ზუგდიდში „საქართველოს ბანკზე“ თავდასხმის დროს მძევლად აყვანილი დავით  ხვიბლიანის განცხადებით, ბრალდებები, თითქოს ის თავმდამსხმელის თანამზრახველი იყო, ცილისწამებაა.

როგორც მან ჟურნალისტებს განუცხადა, ის სენაკის სამხედრო ბაზაზე მსახურობს და შესაბამისად, სამსახურეობრივ მოვალეობას ასრულებდა.

„ეს იყო სრული ცილისწამება, რაც ჩემზე დაიდო და რასაც ავრცელებენ. ამით ჩემი ღირსებაც შელახეს, ჩემი სამსახურიც შელახეს. არც ერთ ჯარისკაცს პატივი არ სცეს, რაც მე მგონი ქართველისთვის და ქართული სულის ადამიანისთვის არ არის ლამაზი საქციელი. დანარჩენი რაც არ უნდა კითხვები დამისვათ, არ ვაპირებ კითხვებზე პასუხის გაცემას, რადგან გამოძიება მიმდინარეობს. გამოძიება დაადგენს ყველაფერს, ყველა კითხვაზე პასუხი გავეცი. მე რაც იყო, რაც მოხდა, როგორც მოხდა და რანაირადაც მოხდა ეს ყველაფერი სრულიად იცის გამოძიებამ, თუ საჭირო იქნება, გამოძიება იტყვის ყველაფერს. სერგო ჩაჩიბაია ვინ არის საერთოდ არ ვიცი, ამის მეტს ვერაფერს ვერ გეტყვით. მე ჩემს სამხედრო მოვალეობას ვასრულებდი და ვიყავი სამსახურში. მე ჩვეულებრივ სამხედრო ბაზაზე გამოვცხადდი, რაც შეგიძლიათ გადაამოწმოთ სამხედრო ბაზაზე“, - განაცხადა დავით ხვიბლიანმა.

ცნობისთვის, 21 ოქტომბერს შეიარაღებულმა პირმა ზუგდიდის ბანკში 40-ზე მეტი ადამიანი მძევლად აიყვანა. დღის მეორე ნახევარში, მან მძევლების თავისუფლების სანაცვლოდ  ნახევარი მილიონი დოლარი მოითხოვა. მრავალსაათიანი მოლაპარაკებების შემდეგ, დაახლოებით 22:00 საათზე, თავდამსხმელმა სამი მძევლის თანხლებით ბანკის შენობა დატოვა. ამ დროისთვის თავდამსხმელის ადგილსამყოფელი უცნობია.

ავტორი: ექსპრესნიუსი,

სოციალური ქსელები

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია

ევროკავშირი რუსეთისგან მოითხოვს ცხინვალის რეგიონიდან, აფხაზეთიდან და დნესტრისპირეთიდან მისი გაყვანას

სადაზღვევო პროდუქტები თიბისის მობაილბანკში - შენი საუკეთესო ციფრული გამოცდილებისთვის

“ქეშბექობანა” - ლიბერთის ლოიალობის პროგრამა Cashback-ის და VISA-ს განსაკუთრებული შეთავაზებები ბავშვებისთვის