„დანამდვილებით ვიცი, ჩემთვის ტელევიზორის ყიდვის გადაწყვეტილება  ბიძინა ივანიშვილთან შეთანხმდა“, – ამის შესახებ დედაქალაქის ყოფილმა მერმა გიგი უგულავამ გიორგი გაბუნიას გადაცემა „არჩევანში“ განაცხადა.

მან აქვე დასძინა, რომ მისთვის ტელევიზორის შეძენა ციხეში ჩასმას ნიშნავდა.

უგულავამ ციხეში არსებულ პირობებზეც ისაუბრა და  თანამშრომლებს მადლობა გადაუხადა.

აქვე ყოფილმა მერმა განაცხადა, რომ მისთვის და დანარჩენი ყოფილი მინისტრებისთვის, რომლებიც სასჯელაღსრულების დაწესებულებაში იმყოფებიან, მათი სტატუსი შემაფერხებელია და არავითარ პრივილეგიას არ ანიჭებთ.

„პირველ რიგში, მე ვისთანაც შეხება მქონდა, ვგულისხმობ თანამშრომლებს, პატიმრებთან შეხება იქ ერთმანეთთან არავის არ აქვს, ყველას მინდა მადლობა გადავუხადო, აბსოლუტურად ყველას გულთან აქვთ მიტანილი და კარგად აქვთ გაცნობიერებული რასთან აქვთ საქმე. პირობები ჩვეულებრივია.  ვიღაცას თუ წარმოდგენა აქვს, რომ ჩვენ ელიტარული პატიმრები ვართ არასწორია, პირიქით,  ჩემი სტატუსი და სახელი და გვარი, თუნდაც სხვა მინისტრების, რომლებიც იქ სხედან, უფრო შემაფერხებელი გარემოებაა. მაგალითად 14 თვე მე არ მქონია ტელევიზორი. ტელევიზორი რა არის თუ პატიმარი იქცევა კარგად შეგიძლია მისცე მას ტელევიზორის ყიდვის უფლება. რამდენიმე დღის წინ მომიტანეს და დანამდვილებით ვიცი, რომ ეს გადაწყვეტილება შეთანხმდა ბიძინა ივანიშვილთან. როდესაც მითხრეს, რომ შემეძლო ტელევიზორი შემეძინა, სიცილი ამიტყდა. ესეიგი ეს ნიშნავს, რომ გადაწყვეტილება მიიღეს ფორსირებულად,  ჩამსვან და იფიქრეს, რომ საკონპესაციოდ ტელევიზორის ყიდვის უფლება მომცეს.  90 % პატიმრებისას ტელევიზორის ყიდვის საშუალება ეძლევათ ერთი თვის განმავლობაში“, – აღნიშნა გიგი უგულავამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია