სახალხო დამცველის  ოფისის მიერ დღეს გავრცელებულ რეკომენდაციასთან დაკავშირებით, რომელიც პენიტენციურ დაწესებულებებში მაღაზიით სარგებლობის უფლებით უზრუნველყოფას ეხებოდა, სასჯელაღსრულებისა და პრობაციის სამინისტრო განმარტავს, რომ  დღესდღეობით  პენიტენციურ დაწესებულებებში  ვითარება  კარდინალურად შეცვლილია.

როგორც „ექსპრესნიუსს“ სასჯელაღსრულებისა და პრობაციის სამინისტროდან აცნობეს, ხელმძღვანელობისთვის ძალზე მნიშვნელოვანია, რომ დაწესებულებების ტერიტორიაზე არსებული მაღაზიები გამართულად ფუნციონირებდეს  და მსჯავრდებულებს  სასურველი პროდუქციის შეძენა შეუფერხებლად შეეძლოთ.

მათივე ცნობით, სასჯელაღსრულებისა და პრობაციის მინისტრის,  კახა კახიშვილის გადაწყვეტილებით, ყველა დაწესებულებაში  შეიქმენება ლოკალური ჯგუფები, რომლებიც მონიტორინგს გაუწევენ მაღაზიების ფუნქციონირებას და ნებისმიერ დარღვევაზე  მყისიერი რეაგირება ექნებათ.

სახალხო დამცველის ოფისის მიერ დღეს გავრცელებულ რეკომენდაციაში აღნიშნული იყო, რომ  შპს GMM-მა თავი ვერ გაართვა პენიტენციური დაწესებულებების ტერიტორიაზე არსებული მაღაზიების   პროდუქციით  მომარაგებას. 

„გვინდა აღვნიშნოთ, რომ დასახელებული  კომპანია 1 აგვისტოდან  აღარ ახორციელებს დაწესებულებების პროდუქციით მომარაგებას.

24 აგვისტოდან დაწესებულებების მაღაზიებს ემსახურება კომპანია „კალინა ჯორჯია“, რომელმაც სატენდერო კონკურსში გაიმარჯვა და პრობლემები, რომლებიც სახალხო დამცველის რეკომენდაციაში აისახა,  უკვე ერთი თვეა აღმოფხვრილია.   ამ ეტაპზე მსჯავრდებულთა მხრიდან  ამ კუთხით რაიმე უკმაყოფილება და პრეტენზია არ დაფიქსირებულა“, - ნათქვამია სასჯელაღსრულების სამინისტროს განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თვისუფლება გადამდებია - PSP დამოუკიდებლობის დღისადმი მიძღვნილი ახალი კამპანია

"ერთად გამარჯვებისთვის!" - ოპოზიციის ალიანსი დღეს საპროტესტო აქციას გამართავს

რუბიომ ვაშინგტონსა და კიევს შორის აქტიური მოლაპარაკებების არარსებობის შესახებ განაცხადა

მეფე ჩარლზ III - მე და ჩემი მეუღლე გულთბილად ვულოცავთ ქართველ ხალხს საქართველოს დამოუკიდებლობის დღეს