12 სამუშაოს მაძიებელი „აგრო ქედას“ საწარმოში დასაქმდა

2015-08-25 11:59:09, 539 ნახვა

საზოგადოება

დასაქმების სააგენტოს ქედის განყოფილების შუამავლობით 12 სამუშაოს მაძიებელი ,,აგრო ქედა’’ს საწარმოში დასაქმდა.

აჭარის ა.რ. დასაქმების სააგენტო ,,აგრო ქედას’’ საწარმოს ადმინისტრაციას მადლობას უხდის თანამშრომლობისათვის.
,,აგრო ქედა" დასავლეთ საქართველოში პირველი ხილის გადამამუშავებელი საწარმოა, რომელიც ,,ნენას" ეტიკეტით ხილფაფებს, ჯემებს, მურაბებსა და საწებლებს აწარმოებს.

უახლოეს მომავალში ქარხანა საბავშვო კვების პროდუქტებზეც იქნება ორიენტირებული.
მსგავსი ტიპის ქარხანა საქართველოში პირველია და იგი ორიენტირებულია ეკოლოგიურად სუფთა, ბიოლოგიურად საიმედო პროდუქციის რეალიზაციაზე. ფერმერებს საშუალება მიეცემათ მოწეული პროდუქცია ,,აგრო ქედა’’ს საწარმოში ჩააბარონ.
ამ ეტაპისთვის ქარხანაში სულ 36 ადგილობრივია დასაქმებული. სრული დატვირთვის შემთხვევაში დასაქმებულთა რაოდენობა 50-მდე გაიზრდება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან