2020-04-29 11:42:02, 2299 ნახვა

---

ქუთაისის ინფექციურ საავადმყოფოში ახალი კოვიდინფიცირებული პაციენტი არ ჰყავთ, 3 პაციენტს კი გასაწერად ამზადებენ

ქუთაისის ინფექციური საავადმყოფოს მთავარი ექიმის, თემურ ნადირაძის განცხადებით, მათ საავადმყოფოში ახალი კოვიდინფიცირებული პაციენტი არ მიუღიათ.

მისი თქმით, სამ პაციენტთან კორონავირუსზე განმეორებით ჩატარებულმა ტესტირებამ უარყოფითი პასუხი აჩვენა და სამივე მათგანი გასაწერად მზადდება.

„გასული დღე-ღამის განმავლობაში, კორონავირუსით ინფიცირების ახალი დადასტურებული შემთხვევა არ ყოფილა. ამჟამად, სტაციონარში 18 პაციენტი იმყოფება. ყველას მდგომარეობა შეიძლება ითქვას, რომ არის დამაკმაყოფილებელი. სამი პაციენტი მზადდება გასაწერად. გუშინ პირველი „პისიარები“ გაკეთდა და სამივეს პასუხი უარყოფითია“, - განაცხადა თემურ ნადირაძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი