საქართველოს თავდაცვის სამინისტროს სსიპ კიბერუსაფრთხოების ბიუროში ტალინის ტექნოლოგიების უნივერსიტეტის ქართველმა სტუდენტებმა სტაჟირება დაასრულეს.

თავდაცვის სამინისტროს ინფორმაციით, ექვსი სტუდენტი კიბერუსაფრთხოების ბიუროში სტრუქტურული ერთეულების მუშაობის პროცესს, ბიუროს სტრუქტურას, ამოცანებსა და ინფრასტრუქტურას ერთი თვის განმავლობაში ეცნობოდა. ისინი აქტიურად იყვნენ ჩართულები პრაქტიკულ სამუშაოებშიც.

დღეს ბიუროს დირექტორმა ანდრია გოცირიძემ ტექნოლოგიების უნივერსიტეტის სტუდენტებს სტაჟირების გავლის დამადასტურებელი სერტიფიკატები გადასცა, ახალგაზრდებს პროფესიულ საქმიანობაში წარმატებები უსურვა და სტუდენტებთან მჭიდრო თანამშრომლობის მნიშვნელობაზე ისაუბრა.

საქართველოს თავდაცვის სამინისტროს კიბერუსაფრთხოების ბიუროს ერთ-ერთ პრიორიტეტს ახალგაზრდა კადრების მოზიდვა წარმოადგენს. სტაჟირება საქართველოს მთავრობის „საჯარო დაწესებულებებში სტაჟირების გავლის წესისა და პირობების შესახებ“ დადგენილების თანახმად ხორციელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი