თბილისის მერის კახა კალაძის განცხადებით, ოპოზიციური ალიანსი, რომელსაც არავითარი საერთო ღირებულებები არ გააჩნია, თავიდანვე მარცხისთვის იყო განწირული.

ამის შესახებ თბილისის მერმა კახა კალაძემ მედიას ოპოზიციაში არსებული დაპირისპირების შესახებ დასმული კითხვის პასუხად განუცხადა.

„თავიდანვე გასაგები იყო, რომ ეს ერთობა, რომელიც ზარზეიმით გამოგვიცხადეს, განწირული იყო მარცხისთვის, დაშლისთვის. როგორ შეიძლება იმ ადამიანების ერთობა, სადაც არანაირი ღირებულებები არ არსებობს. მხოლოდ და მხოლოდ ბრძოლაა იმისთვის, რომ როგორმე რაიმე თანამდებობა დაიკავონ. ერთად შეიყარნენ ის კონკრეტული პოლიტიკოსები და პოლიტიკური პარტიები, რომელთაც საზოგადოებაში არანაირი ნდობა და მხარდაჭერა არ აქვთ. ეს შემთხვევითი არ არის, ამას აქვს თავისი ახსნა: როდესაც შენ ემსახურები სხვა ქვეყანას, ატარებ სხვა ქვეყნის ინტერესს, გყავს გარეთ პატრონები, ხალხს შენს მიმართ არანაირი ნდობა არ აქვს, რა თქმა უნდა, პოლიტიკაში იქნები წარუმატებელი. ეს არის დღევანდელი მოცემულობა“, - განაცხადა კახა კალაძემ.

რაც შეეხება პარტიების - „ლელო საქართველოსთვის“ და „გახარია საქართველოსთვის“ პოზიციას, მერის შეფასებით, სინამდვილეში მათთვის არანაირი „წითელი ხაზები“ არ არსებობს.

„რეალურად არანაირი „წითელი ხაზი“ არ არსებობს, მხოლოდ და მხოლოდ განცხადებებით შემოიფარგლებიან. რა „წითელ ხაზებზეა“ საუბარი, როდესაც, მაგალითად, გახარიას პარტია პირდაპირ ალიანსშია და კოლაბორაცია აქვთ „ნაციონალურ მოძრაობასთან“. კონკრეტული რაიონები შემიძლია დაგისახელოთ, სადაც ისინი საკრებულოების დონეზე გაერთიანდნენ. არანაირი „წითელი ხაზები“ არ არსებობს, აქ მთავარია, რას ეტყვიან თავიანთი პატრონები, რა დავალებას მისცემენ. მათ შეპასუხების უფლებაც კი არ აქვთ, ვალდებულები არიან, გააკეთონ ის, რასაც ეტყვიან გარედან“, - აღნიშნა მერმა.

მისივე თქმით, შეუძლებელია, პოლიტიკური ძალა, რომელიც სხვა ქვეყნის ინტერესს ატარებს, საზოგადოების ნდობითა და მხარდაჭერით სარგებლობდეს.

„როგორ შეიძლება, ნდობა გქონდეს საზოგადოებაში, როდესაც ხარ მოღალატე, როდესაც საერთოდ არ გაინტერესებს შენი ქვეყნის ბედი, არ იცავ შენი ქვეყნის ინტერესს. როგორ შეიძლება, ასეთ ადამიანებს ან პოლიტიკურ დაჯგუფებებს ჰქონდეს საზოგადოების მხარდაჭერა. თუკი რაიმე ცუდი ხდება ქვეყანაში, ყველაფრის მხარდამჭერები არიან, ვიცით, საიდან მოდის გარედან თავსმოხვეული პროცესები, რომელთა ნაწილი ისინი არიან. მზად არიან, ცალ ფეხზე დგომით ყველაფერი შეასრულონ. ცხადია, ამ ყველაფერს ქართველი ხალხი კარგად ხედავს, ანალიზს აკეთებს, აფასებს,“ - განაცხადა კახა კალაძემ.

ავტორი: ექსპრესნიუსი,

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან