საქართველოს მთავრობის გადაწყვეტილებით, მწერალთა სახლი 25 მაისიდან მწერალთა მუზეუმების კავშირად გარდაიქმნება და მას სხვა სახელმწიფო მუზეუმებიც შეუერთდებიან. შესაბამის ბრძანებულებას ხელი პრემიერ-მინისტრმა ირაკლი კობახიძემ მოაწერა.

მწერალთა სახლს შემდეგი მუზეუმები შეუერთდება:

ილია ჭავჭავაძის სახელმწიფო მუზეუმი საგურამოში;
ილია ჭავჭავაძის სახელმწიფო მუზეუმი ყვარელში;
აკაკი წერეთლის სახელმწიფო მუზეუმი;
გალაკტიონისა და ტიციან ტაბიძეების სახლ-მუზეუმი;
ვაჟა-ფშაველას სახლ-მუზეუმი;
იაკოვ გოგებაშვილის სახლ-მუზეუმი;
ივანე მაჩაბლის მუზეუმი.
ეს მუზეუმები მწერალთა სახლის სტრუქტურულ ერთეულებად იქცევა.

მწერალთა სახლის ამჟამინდელმა დირექტორმა, ქეთი დუმბაძემ (თანამდებობა 2023 წლის აგვისტოდან არის) უახლოეს დღეებში უნდა გადაწყვიტოს, გააგრძელებს თუ არა ახალ თანამდებობაზე მუშაობას, თუ თანამდებობას დატოვებს.

ის ამ თანამდებობაზე მაშინდელმა კულტურის მინისტრმა, თეა წულუკიანმა დანიშნა. იმ დროს, ზოგიერთმა ქართველმა მწერალმა, მთარგმნელმა, გამომცემელმა და ლიტერატურულმა მოღვაწემ დუმბაძის ახალ დირექტორად დანიშვნაზე უარი განაცხადა:

„ჩვენ არ ვეთანხმებით ლიტერატურულ ცხოვრებაში და პროცესებში საბჭოთა მეთოდებით ჩარევას. ჩვენ მოვითხოვთ კომისიის შექმნას, მწერლების მიერ დანიშნულ სამუშაო ჯგუფთან ერთად, რომელიც შეარჩევს მწერალთა სახლის დირექტორის თანამდებობაზე კანდიდატს და შეიმუშავებს ახალ მენეჯმენტისა და ადმინისტრაციულ დოკუმენტს, რათა თავიდან იქნას აცილებული მწერალთა სახლის საქმიანობაში ინდივიდუალური და პარტიული გადაწყვეტილებებით ჩარევა მომავალში“.

ავტორი: ექსპრესნიუსი,

სოციალური ქსელები

სამთავრობო იმედის სახემ ნანუკა ხაზარაძემ ტელევიზია დატოვა

ცოტნე ივანიშვილი - არსებობს ყალბი სტერეოტიპი, თითქოს ახალგაზრდების უმეტესობა ქართული ოცნების მიმართ რადიკალურად ცუდად არის განწყობილი

დამოუკიდებლობის დღესთან დაკავშირებით 27-28 მაისამდე ქუჩების ნაწილზე მოძრაობა შეიზღუდება

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“