უკრაინის პრეზიდენტმა ვოლოდიმირ ზელენსკიმ 23 მაისს განაცხადა, რომ კიევზე პოტენციური მასშტაბური თავდასხმის ფარგლებში რუსეთი უკრაინის წინააღმდეგ, სავარაუდოდ, საშუალო რადიუსის ბალისტიკური რაკეტა "ორეშნიკის" გამოყენებასაც აპირებს. 

ზელენსკიმ რუსეთის შესაძლო იერიშთან დაკავშირებით ინფორმაცია უკრაინულ დაზვერვასა და დასავლელი პარტნიორების მიერ გაზიარებულ ცნობებზე დაყრდნობით გაავრცელა. 

"ჩვენმა სადაზვერვო სამსახურებმა მიიღეს ინფორმაცია, მათ შორის ამერიკელი და ევროპელი პარტნიორებისგან, რომ რუსეთი "ორეშნიკის" რაკეტით იერიშისთვის ემზადება. ამ ინფორმაციას ვამოწმებთ," აღნიშნა ზელენსკიმ. 

მისი თქმით, უკრაინა ხედავს სხვადასხვა ტიპის იარაღის გამოყენებით ერთობლივი იერიშისთვის მომზადების ნიშნებს. 

"უკრაინის ტერიტორიაზე, მათ შორის, კიევზე, სხვადასხვა ტიპის იარაღით ერთობლივი თავდასხმისთვის მომზადების ნიშნებს ვხედავთ. ამ იერიშში შესაძლოა, კონკრეტული საშუალო რადიუსის იარაღიც გამოიყენონ." – განაცხადა ზელენსკიმ. 

ავტორი: ექსპრესნიუსი,

სოციალური ქსელები

სამთავრობო იმედის სახემ ნანუკა ხაზარაძემ ტელევიზია დატოვა

ცოტნე ივანიშვილი - არსებობს ყალბი სტერეოტიპი, თითქოს ახალგაზრდების უმეტესობა ქართული ოცნების მიმართ რადიკალურად ცუდად არის განწყობილი

დამოუკიდებლობის დღესთან დაკავშირებით 27-28 მაისამდე ქუჩების ნაწილზე მოძრაობა შეიზღუდება

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“