პრეზიდენტის პრესსამსახურის ხელმძღვანელმა, დიმიტრი პესკოვმა, კომენტარი გააკეთა ცხინვალის რეგიონის დე ფაქტო ყოფილი ლიდერის, ალან გაგლოევის, ვლადიმერ პუტინის მრჩევლად დანიშვნასთან დაკავშირებით.

კრემლის პრესსპიკერმა განაცხადა, რომ ჯერ არ არის განსაზღვრული, თუ რა სფეროებს გაუწევს გაგლოევი ამ თანამდებობაზე ზედამხედველობას. მან ასევე განმარტა, რომ ეს არ გამოიწვევს პუტინის ადმინისტრაციაში პასუხისმგებლობების გადანაწილებას.

„ჯერ არ არის განსაზღვრული. განხორციელდება კორექტირება და საჭირო დამატებები, ასევე მოხდება პასუხისმგებლობების განაწილება ხელმძღვანელობასა და ადმინისტრაციას შორის და ჩვენ გამოვცემთ შესაბამის დოკუმენტს“, - განმარტა პესკოვმა.

შეგახსენებთ, რომ 23 ივნისს ალან გაგლოევმა ცხინვალის რეგიონის დე ფაქტო ლიდერის თანამდებობიდან გადადგომის შესახებ განაცხადა. გადაწყვეტილება „მიღებული“ იქნა მოსკოვში რუსეთის პრეზიდენტ ვლადიმერ პუტინთან შეხვედრის შემდეგ. ამის შემდეგ, ოკუპირებული რეგიონის „კონსტიტუციის“ შესაბამისად, გაგლოევი 23 ივნისის 15:00 საათიდან რეგიონის მოვალეობის შემსრულებლად დაინიშნა. „ლიდერი“ იყო მარატ კამბოლოვი, რუსეთის მოქალაქე, რომელიც რუსეთის მთავრობაში მუშაობდა და რამდენიმე დღით ადრე საქართველოს რეგიონის „პრემიერ-მინისტრად“ დაინიშნა.

ავტორი: ექსპრესნიუსი,

სოციალური ქსელები

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე

რიკოთზე ავარიას 2 ადამიანი ემსხვერპლა, დაშავდა ბავშვი

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ