26 ივლისის საღამოს, გერმანიის პოლიციამ ბერლინში ლგბტ პრაიდის მონაწილეებთან მომხდარ ავტოსაგზაო შემთხვევაში ეჭვმიტანილი მუსლიმი ტერორისტი მოკლა.

ამის შესახებ ბერლინის პოლიციის X განყოფილებაში გავრცელებულ განცხადებაშია ნათქვამი.

სამართალდამცავმა ორგანოებმა ეჭვმიტანილი კვირას, საღამოს 6:00 საათზე, ბერლინ-შპანდაუს რაიონში, ბაღის ნაკვეთებში აღმოაჩინეს.

პოლიციის განცხადებაში ნათქვამია, რომ 21 წლის მამაკაცმა სპეცრაზმელებს პირიანი იარაღით დაესხა თავს, რომლებმაც ცეცხლსასროლი იარაღით უპასუხეს.

„კაცმა სასიკვდილო ჭრილობები მიიღო და ადგილზე გარდაიცვალა. გამოძიება გრძელდება“, - დასძინეს გერმანიის დედაქალაქის სამართალდამცავებმა.

შეგახსენებთ, რომ 25 ივლისის საღამოს, ბერლინში ერთი ადამიანი დაიღუპა და 16 დაშავდა, მას შემდეგ, რაც ევროპაში ერთ-ერთი უდიდესი ლგბტ+ ღონისძიების დროს მანქანა ხალხში შევარდა.

გერმანიის შინაგან საქმეთა მინისტრმა, ალექსანდრ დობრინდტმა, განაცხადა, რომ გერმანელი გამომძიებლები ბერლინის პრაიდის მონაწილეებზე მომხდარ ავტოსაგზაო შემთხვევას ისლამისტურ ტერორისტულ თავდასხმად აფასებენ.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

იანვარში მომიტინგეების სიკვდილით დასჯის გამო ირანში ახალი საპროტესტო აქციები გაიმართა

10-დღიანი პატიმრობა შეუფარდეს დემონსტრანტს, რომელიც საკრებულოსთან დააკავეს

ზელენსკიმ ტრამპთან Patriot-ის რაკეტების წარმოება და დიპლომატიის დაჩქარება განიხილა

ჯო უილსონი - “ქართული ოცნება” სიტყვის თავისუფლებას “სიძულვილის ენის” შეჩერების საბაბით ანადგურებს, ამ პრორუსულ, პროირანულ, პროჩინურ რეჟიმს ამერიკა ეზიზღება