მარნეულის მუნიციპალიტეტის სოფელ ჯანდარში 31 წლის რაჰიმ აბდულაევი დაჭრეს. მომხდართან დაკავშირებით პოლიციამ ერთი პირი დააკავა, - ინფორმაციას ადგილობრივი მედია ავრცელებს.

დაშავებულის დედის, საჰილა აბდულაევას თქმით, მის შვილს საკუთარი სახლის წინ ჯერ ფიზიკურად გაუსწორდნენ, შემდეგ კი პნევმატური იარაღიდან ესროლეს. მისი მტკიცებით, თავდასხმა იმ პირმა განახორციელა, რომელთანაც მის შვილს წარსულშიც ჰქონდა კონფლიქტი.

რაჰიმ აბდულაევი შემთხვევის შემდეგ „ჯეო ჰოსპიტალსის“ კლინიკაში გადაიყვანეს. 

შინაგან საქმეთა სამინისტრომ გამოძიება საქართველოს სისხლის სამართლის კოდექსის 126-ე მუხლით, ძალადობის ფაქტზე დაიწყო. უწყებაში აცხადებენ, რომ იარაღიდან გასროლის ფაქტს ამ ეტაპზე არ ადასტურებენ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

WSJ: ტრამპი იმედგაცრუებულია პუტინით ომის სწრაფად მოგების შესახებ მისი დაპირებების შეუსრულებლობის გამო

თინათინ რუხაძე კულტურის მინისტრის თანამდებობას ტოვებს

მოსამართლე თორნიკე კაპანაძემ ია მელითაური 5-დღიან პატიმრობაში გაუშვა

მამუკა ფიფიამ მაგინა და დამემუქრა - პრორუსულ ფლანგში ერთმანეთს დაუპირისპირდნენ