ევროსაბჭოს ჟურნალისტების უსაფრთხოების პლატფორმამ ფორმულასა და ტვ პირველის ჟურნალისტებისთვის საპარლამენტო აკრედიტაციის შეჩერებისა და პუბლიკას ფოტორეპორტიორის პარლამენტში დაშვების ერთჯერადი აკრედიტაციის არგაცემის გამო განგაშის სიგნალი ჩართო.

SJP აცხადებს, რომ პარლამენტში მედიის წარმომადგენლების აკრედიტაციის წესი უნდა გადაიხედოს და უზრუნველყოფილ იქნეს ჟურნალისტებისთვის თავისუფალი, სამართლიანი და არადისკრიმინაციული გარემო.

საუბარია 3 შემთხვევაზე:

• ფორმულას ჟურნალისტისთვის ნინი ბალანჩივაძისთვის აკრედიტაციის შეჩერებაზე
• ტვ პირველის სამი ჟურნალისტისთვის: ნატალია ქაჯაიასთვის, მაკა ჩიხლაძესა და მაკა ანდრონიკაშვილისთვის 12, 6 და 1 თვით აკრედიტაციის შეჩერებაზე
• პუბლიკას ფოტორეპორტიორისთვის მანდია გაბაძისთვის ქართული ოცნების პარლამენტში ირაკლი კობახიძის ანგარიშის წარდგენის გაშუქებისთვის ერთჯერადი სპეციალური აკრედიტაციის არმიცემაზე

 ჟურნალისტების უსაფრთხოების პლატფორმამ ასევე განგაშის სიგნალი ჩართო კომუნიკაციების კომისიის მიერ ტვ პირველისთვის 2 500 ლარიანი ჯარიმის დაკისრებაზე ისეთი ტერმინების გამოყენებისთვის, როგორებიცაა: "სინდისის პატიმრები", "ოლიგარქი" და სხვა.

მანამდე, 26 ივნისს ფორმულას წინააღმდეგ დაწყებული სისხლის სამართლის გამოძიებაზე ევროსაბჭოს ჟურნალისტების უსაფრთხოების პლატფორმამ განგაშის სიგნალი ჩართო.

ავტორი: ექსპრესნიუსი,

სოციალური ქსელები

კობახიძემ მოიტყუა როცა თქვა, რომ 2011 წლის აქციის დარბევაზე დასავლეთს და ევროპულ სტრუქტურებს რეაქცია არ ჰქონიათ

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა