საქართველოს პარლამენტის იურიდიულ საკითხთა კომიტეტის თავმჯდომარემ და „ქართული ოცნების“ წევრმა არჩილ გორდულაძემ მიესალმა MMA-ს მებრძოლ გიორგი ქართველიშვილის მიერ ახალი სოციალური მოძრაობის შექმნას, რომელიც ქართული ღირებულებების, ტრადიციებისა და ეროვნული იდენტობის დაცვას ისახავს მიზნად.

გორდულაძის თქმით, საქართველოში ყველას აქვს გაერთიანებისა და გამოხატვის თავისუფლება.

„ყველას აქვს გაერთიანებისა და საკუთარი აზრის თავისუფლად გამოხატვის უფლება. თუმცა, ყველა საქმიანობა მკაცრად კანონის ფარგლებში უნდა განხორციელდეს. კარგია, როდესაც ადამიანებს სურთ დაიცვან თავიანთი ქვეყნის კულტურა, რწმენა, სამოქალაქო უფლებები და ისტორია, ასევე წინააღმდეგობა გაუწიონ ამ ღირებულებების წინააღმდეგ მიმართულ ქმედებებს. თუმცა, ეს ყველაფერი კანონის დაცვით და მკაცრად მის ფარგლებში უნდა მოხდეს“, - განაცხადა პოლიტიკოსმა.

შეგახსენებთ, რომ MMA-ს მებრძოლმა გიორგი ქართველიშვილმა, თანამოაზრეებთან ერთად, ახალი სოციალური მოძრაობის შექმნის შესახებ განაცხადა, რომელიც აქტიურად დაიცავს ქართულ ღირებულებებს, ტრადიციებსა და ეროვნულ იდენტობას. სპორტსმენმა ასევე განაცხადა, რომ მოძრაობის წევრები მზად არიან აიღონ პასუხისმგებლობა საკუთარ ქმედებებზე და, საჭიროების შემთხვევაში, ციხეშიც კი მოხვდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს