უკრაინელი სამხედრო მეთაური, გენერალ-მაიორი მიხაილო დრაპატი პრეზიდენტ ვოლოდიმირ ზელენსკის გადაწყვეტილებით დაინიშნა უკრაინის შეიარაღებული ძალების მთავარსარდლად. მან ამ პოსტზე ალექსანდრ სირსკი შეცვალა. 

მიხაილო დრაპატი უკრაინაში მაღალი ავტორიტეტით სარგებლობს როგორც აქტიურ სამხედროებში, ისე სამოქალაქო საზოგადოებაში. მისი ძირითადი საბრძოლო გზა ასე გამოიყურება: 

• მარიუპოლის დაცვა (2014): ანტიტერორისტული ოპერაციის (ATO) დაწყებისას, ის იყო 72-ე მექანიზებული ბრიგადის მე-2 ბატალიონის მეთაური. ფართოდ გახდა ცნობილი კადრებით, სადაც მისი ქვედანაყოფის ჯავშანტექნიკა მარიუპოლში სეპარატისტების მიერ აღმართულ ბარიკადებს არღვევს. 
• ხერსონის განთავისუფლება (2022): ხელმძღვანელობდა ოპერატიულ ჯგუფ „კახოვკას“ (შემდგომში „ხერსონი“). მისი სარდლობით დაიგეგმა და განხორციელდა ოპერაცია, რომელმაც ხერსონის ოლქის მარჯვენა სანაპირო და თავად ქალაქი ხერსონი გაათავისუფლა. 
• ხარკოვის ფრონტის დასტაბილურება (2024): მას შემდეგ, რაც რუსეთმა ხარკოვის მიმართულებით ახალი იერიში წამოიწყო, დრაპატი ოპერატიულ-ტაქტიკურ ჯგუფ „ხარკოვის“ მეთაურად დაინიშნა და შეძლო მოწინააღმდეგის წინსვლის შეჩერება. 
• უმაღლესი სარდლობა (2024-2026): სხვადასხვა პერიოდში იკავებდა უკრაინის სახმელეთო ძალების მეთაურისა და შეიარაღებული ძალების გაერთიანებული ძალების სარდლის პოსტებს. 

გენერალ-მაიორი მიხაილო დრაპატი უკრაინის შეიარაღებულ ძალებში (AFU) მიიჩნევა ახალი თაობის, დასავლური ტიპის მეთაუროგორც სახმელეთო და გაერთიანებული ძალების ყოფილმა სარდალმა, მან უკვე გაატარა არაერთი რეფორმა, ხოლო მთავარსარდლის პოსტზე დანიშვნის შემდეგ (გენერალურ შტაბთან ერთად) არმიის სტრუქტურის ფართომასშტაბიანი განახლება დაიწყო. რომლის მიზანია საბჭოთა სამხედრო მემკვიდრეობის (ე.წ. „საბჭოეთის“) სრული აღმოფხვრა. 

როდესაც დრაპატიმ სახმელეთო ძალების სარდლობა ჩაიბარა, მან ღიად განაცხადა, რომ არმიაში დახვდა „შიშის ატმოსფერო, ინიციატივის ნაკლებობა და ჯარისკაცების პრობლემებისადმი გულგრილობა“. მისი მთავარი რეფორმა ამ კულტურის მსხვრევაა.

 მან დანერგა პრინციპი, რომლის მიხედვითაც მაღალი რანგის ოფიცრები ვალდებულნი არიან მოუსმინონ დაბალი რგოლის მეთაურებსა და რიგით ჯარისკაცებს გადაწყვეტილებების მიღებისას.

 დრაპატიმ ღიად დაუჭირა მხარი თავდაცვის ყოფილი მინისტრის, მიხაილო ფედოროვის ტექნოლოგიურ რეფორმებს. Drone Line: ის აქტიურად ნერგავს დრონებისა და რობოტიზებული სისტემების მასობრივ გამოყენებას უშუალოდ საბრძოლო ტაქტიკაში, რათა მაქსიმალურად შემცირდეს ცოცხალი ძალის დანაკარგი. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს