ყვარელში ავტოსაგზაო შემთხვევის დროს დაშავებული ქალი გურჯაანის ჯეოჰოსპიტალსის კლინიკაში გარდაიცვალა. მას საავადმყოფოში მიყვანისას სიცოცხლისთვის შეუთავსებელი ტრავმები აღენიშნებოდა. 

ის 29 წლის მარიამ სვიმონიშვილია, რომელიც ყვარლის მუნიციპალიტეტის სოფელ გავაზის მკვიდრი იყო.

სვიმონიშვილი ავარიის შემდეგ, 112 ის ბრიგადამ გურჯაანის „ჯეოჰოსპიტალსში“ გადაიყვანა.

კლინიკის მენეჯერის, გიორგი შათირიშვილის თქმით, ქალი საავადმყოფოში შეყვანისას უმძიმეს მდგომარეობაში იყო და სიცოცხლესთან შეუთავსებელი დაზიანებები აღენიშნებოდა. ექიმების მცდელობის მიუხედავად, მისი გადარჩენა ვერ მოხერხდა.

რაც შეეხება დანარჩენ დაშავებულებს, მედიკოსების ინფორმაციით, მათი ჯანმრთელობის მდგომარეობა ამ ეტაპზე სტაბილურია.

მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის ან ექსპლუატაციის წესის დარღვევას გულისხმობს.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

Porsche კიდევ 5000 სამუშაო ადგილს შეამცირებს

გერმანიაში დაახლოებით 450 პოტენციური ისლამისტი ტერორისტი იქნა იდენტიფიცირებული

ტრამპი: ირანს იგივე ემართება, რაც ვენესუელას დაემართა

პუტინმა ბრძანა ომის გასაგრძელებლად ბიუჯეტი მოამზადონ