„ქართული ღირებულებების, ტრადიციებისა და კულტურის დაცვისთვის“ ორგანიზაციის შექმნა ქვეყნის დესტაბილიზაციის კლასიკურ რუსულ სტრატეგიაში ჯდება, განაცხადა საქართველოს მეხუთე პრეზიდენტმა, სალომე ზურაბიშვილმა. ზურაბიშვილი დარწმუნებულია, რომ MMA-ს მებრძოლი გიორგი ქართველიშვილის მიერ გამოცხადებული ორგანიზაციის უკან „ქართული ოცნება“ დგას.

„ისინი ძალიან ძველ ინსტრუმენტებს იყენებენ. ამ თვალსაზრისით, ჩვენ სერიოზულად უნდა მივიღოთ ის, რაც ხდება. მეორეს მხრივ, ეს ადამიანები სერიოზულად არ უნდა მივიღოთ. ჩვენ აბსოლუტურად არ უნდა ვუპასუხოთ ანალოგიურად - ვეძებოთ სადმე მკაცრი ბიჭები, შევქმნათ მსგავსი ჯგუფები და ჩავერთოთ კონფრონტაციაში.

ასეთი ორგანიზაციების საბოლოო მიზანია ორივე მხარეს მსგავსი ჯგუფების შექმნა და ესკალაციის პროვოცირება. ეს არ მოხდება, რადგან ჩვენ უკვე გვაქვს გამოცდილება; ჩვენ ვიცით, როგორ მოქმედებს რუსეთი. ამიტომ, არ უნდა მივცეთ მათ ეს შესაძლებლობა“, - განაცხადა ზურაბიშვილმა.

შეგახსენებთ, რომ 27 ივლისს, MMA-ს მებრძოლმა და „ქართული ოცნების“ მხარდამჭერმა გიორგი ქართველიშვილმა, რამდენიმე თანამოაზრე პირთან ერთად, რომელთა ვინაობაც ბრიფინგზე არ გახმაურებულა, გამოაცხადა ორგანიზაციის შექმნის შესახებ, რომელიც ტრადიციების, ღირებულებებისა და რელიგიის დაცვას ისახავს მიზნად. მან ასევე განაცხადა, რომ ამ მიზნით პატიმრობისთვისაც კი მზად იყო.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

პოლონეთში დააკავეს მამაკაცი, რომელიც ზელენსკის მკვლელობას მოუწოდებდა

საქართველოს ბანკს Student და sCool Card-ის მფლობელებისთვის სპეციალური შეთავაზება აქვს

ნაურუს მთავრობა აფხაზეთისა და ე.წ. სამხრეთ ოსეთის აღიარების გაუქმებაზე განცხადებას ავრცელებს

ქობულეთში, ზღვაში კაცი დაიხრჩო