ბანერების გამო საპროტესტო აქციის მონაწილეები დააკავეს, პოლიციამ მომიტინგეებს სცემა

2026-07-27 00:16:32, 552 ნახვა

სამართალი

თბილისის საკრებულოსთან ცოტა ხნის წინ ჯერ აქტივისტი თორნიკე თოშხუა დააკავეს, რომელსაც ეჭირა ბანერი წარწერით: "ბიძინა *ლეა? კი- არა". შინაგან საქმეთა სამინისტროში ამბობენ, რომ თოშხუა ადმინისტრაციულ სამართალდარღვევათა კოდექსის 166-ე მუხლით დააკავეს, რაც წვრილმანი ხულიგნობით საზოგადოებრივი წესრიგის დარღვევას გულისხმობს. მოგვიანებით კი პოლიციამ დააკავა 10-ზე მეტი აქტივისტი, რომლებიც ანალოგიური წარწერის ბანერებით თოშხუას სოლიდარობას უცხადებდნენ

სამოქალაქო აქტივისტების ინფორმაციით, დაკავებულები არიან ნატო ბოლქვაძე, სანდრო სეხნიაშვილი, ლაშა დგებუაძე, ვასო ბერიძე, მარიამ მეყანწიშვილი, შაკო ბაღდოშვილი, თორნიკე ტიკარაძე, ია მელითაური, ნინი ნაჭყებია და მარინე ნანავა

"დავით მამაგეიშვილი [თბილისის საპატრულო პოლიციის მაღალჩინოსანი] სახეში ურტყამს ხელს სანდრო სეხნიაშვილს. სანდრო სხვა აქტივისტებთან ერთად ცოტა ხნის წინ დააკავეს" | წერს ლევან ზაზაძე სოციალურ ქსელში და ვიდეოს აქვეყნებს

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან