სერბეთის პრეზიდენტმა ალექსანდრ ვუჩიჩმა განაცხადა, რომ უახლოეს მომავალში თანამდებობიდან გადადგომას გეგმავს.

ამის შესახებ ინფორმაციას „დანასი“ ავრცელებს.

„რადიო ბელგრადის“ ეთერში ვუჩიჩს ჰკითხეს, აპირებს თუ არა სამ ან ოთხ თვეში გადადგომას, რაზეც პრეზიდენტმა უპასუხა: „შესაძლოა, უფრო ადრეც“.

„პრეზიდენტის ადმინისტრაციაში წიგნების ჩალაგება დავიწყე. ბევრი წიგნი მაქვს და ვეძებ ადგილს, სადაც მათ შევინახავ“, - თქვა ვუჩიჩმა.

მან განმარტა, რომ პრემიერ-მინისტრობის კანდიდატად კენჭისყრაზე ფიქრობდა და დასძინა, რომ იმ საღამოს მნიშვნელოვანი შეხვედრა ჰქონდა.

ვუჩიჩმა ასევე განაცხადა, რომ „არჩევნები რამდენიმე თვეში ჩატარდება და სამი ან ოთხი თვე ტექნიკური საკითხია“.

მან ასევე დასძინა, რომ ყოველდღიურად ფიქრობს, თუ ხელისუფლებაში მყოფი მოქმედი თანამდებობის პირებიდან რომელი შეიძლება გახდეს შემდეგი საპრეზიდენტო კანდიდატი.

ადრე გავრცელდა ინფორმაცია, რომ ვუჩიჩი წლის ბოლომდე ვადამდელი საპარლამენტო არჩევნების ჩატარებას გეგმავს.

სერბეთი 2024 წლის დეკემბრიდან მოყოლებული ანტისამთავრობო საპროტესტო აქციებით არის მოცული, განსაკუთრებით ვუჩიჩის გადადგომის მოთხოვნით. ეს მას შემდეგ მოხდა, რაც სერბეთის ჩრდილოეთით მდებარე ქალაქ ნოვი სადში, რკინიგზის სადგურზე სახურავის ჩამონგრევის შედეგად 16 ადამიანი დაიღუპა.

ავტორი: ექსპრესნიუსი,

სოციალური ქსელები

საქართველოში რუსულენოვანთა რაოდენობა თითქმის 19%-ით გაიზარდა

ეუთოს საპარლამენტო ასამბლეის კომიტეტმა მხარი დაუჭირა საქართველოში არსებული ვითარების შესახებ რეზოლუციის პროექტს

თიბისი კაპიტალის ექსკლუზიური მხარდაჭერით, თეგეტა მოტორსმა ადგილობრივ ბაზარზე პირველი 6-თვიანი ობლიგაციები განათავსა

„თეგეტა მოტორსმა“ Bridgestone-ის საერთაშორისო ღონისძიებას უმასპინძლა, რომელზეც საბურავების ორი ახალი მოდელი წარადგინეს