სპეციალური სამმართველოს საქმიანობას ექნება პერმანენტული ხასიათი და რაც მნიშვნელოვანია, არ იქნება აუცილებელი იმ მოქალაქის მიმართვა, რომლის მიმართაც განხორციელდა  სიტყვიერი ძალადობა, - ამის შესახებ ვიცე-პრემიერმა, სახელმწიფო მინისტრმა სამართალდამცავი ორგანოების კოორდინაციის საკითხებში მამუკა მდინარაძემ განაცხადა.

მისივე თქმით, შსს-ს ახლად შექმნილ სამმართველოს პროაქტიულ რეჟიმში, თავისი ინიციატივით, უფლება ექნება, რომ მოიძიოს დარღვევის ფაქტები და მიმართოს სასამართლოს ადმინისტრაციული სახდელის დადების მოთხოვნით იმ კონკრეტული პირის მიმართ, ვინც სამართალდარღვევა ჩაიდინა.

„ჩვენ არ დაგვიანონსებია, რომ საკანონმდებლო ინიციატივით შევალთ პარლამენტში, შესაბამისი საკანონმდებლო ბაზა ჩვენ უკვე გვაქვს და ხდება კიდეც მისი აღსრულება. ოღონდ „კონტექსტიდან ამოგლეჯილად" დავარქვათ, უტრირებულადაც კი, სხვადასხვა დროს, სხვადასხვა მოქალაქის საჩივრის საფუძველზე ხდება სამართლებრივი რეაგირება, მათ შორის, შსს-ს მხრიდან, სადაც შეიქმნება სპეციალური სამმართველო. სპეციალური სამმართველოს საქმიანობას ექნება პერმანენტული ხასიათი და რაც მნიშვნელოვანია, არ იქნება აუცილებელი იმ მოქალაქის მიმართვა, რომლის მიმართაც განხორციელდა სიტყვიერი ძალადობა. შსს-ს ახლად შექმნილ სამმართველოს პროაქტიულ რეჟიმში, თავისი ინიციატივით, უფლება ექნება, რომ თვითონ მოიძიოს ასეთი დარღვევის ფაქტები და მიმართოს სასამართლოს ადმინისტრაციული სახდელის დადების მოთხოვნით იმ კონკრეტული პირის მიმართ, ვინც სამართალდარღვევა ჩაიდინა.

ჩემი საქმიანობის ერთ-ერთი პრიორიტეტი იქნება, მივაქციო ყურადღება, რომ აღსრულდეს კანონი, პროაქტიულ რეჟიმში. ჩემი პირადი და ხელისუფლების პასუხისმგებლობა იქნება, დავაწესოთ და დავადგინოთ სწორი პრაქტიკა საიმისოდ, რომ სწორი ზღვარი გაევლოს ადამიანის უფლებებს, მათ შორის, სიტყვის და გამოხატვის თავისუფლებასა და შეურაცხყოფას შორის, შუღლის გამაღვივებელ სიტყვებს, ფრაზებსა და ამგვარი გამოხატვის ფორმებს შორის,"- აღნიშნა მდინარაძემ.

ავტორი: ექსპრესნიუსი,

სოციალური ქსელები

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან

ოთხშაბათს და პარასკევს ივანიშვილის რეზიდენციასთან მოვაწყობთ ერთკაციან აქციებს - მშობლები