ბიზნესმენი და IT კომპანია Spribe-ის თანადამფუძნებელი ნიკა ლომია კავკასიის უნივერსიტეტის „ცოდნის ელჩების“ პროგრამას შეუერთდა. ის აფხაზეთიდან 10 საშუალო სკოლის კურსდამთავრებულის უნივერსიტეტში განათლებას დააფინანსებს.

ამ საგანმანათლებლო და კარიერული ინიციატივის მიზანია სტუდენტების პროფესიული განვითარებისთვის რეალური შესაძლებლობების შექმნა.

კავკასიის უნივერსიტეტის რექტორის, კახა შენგელიას თქმით, „პროგრამა განათლებასა და რეალურ სამუშაო გარემოს შორის ხიდს ქმნის - შესაძლებლობებს მაძიებელი ახალგაზრდისთვის და პარტნიორისთვის, რომელსაც შეუძლია ამ შესაძლებლობების შექმნა“.

BMG-ის ცნობით, პროგრამა პარტნიორობის მოდელზეა დაფუძნებული - „ერთი პარტნიორი, ერთი სტუდენტი“. მისი მთავარი იდეაა, რომ ბიზნეს ან კერძო სპონსორის მონაწილეობით არა მხოლოდ სწავლის საფასური ფინანსდება, არამედ უზრუნველყოფილია მენტორობა, კარიერული განვითარების დახმარება და პროფესიული ინტეგრაცია.

„ნიკა ლომიას მხარდაჭერა აჩვენებს, თუ როგორ შეუძლია ერთ გადაწყვეტას არა მხოლოდ ერთი, არამედ ათი ახალგაზრდის გაძლიერება მათი საგანმანათლებლო გზაზე“, - თქვა კახა შენგელიამ.

კავკასიის უნივერსიტეტი გეგმავს „ცოდნის ელჩების“ პროგრამის შემუშავებას და პარტნიორების წრის გაფართოებას.

ავტორი: ექსპრესნიუსი,

სოციალური ქსელები

რატომ ჰგავს რეჟიმის ინიციატივა, დაამკვიდროს აღვირახსნილი ცენზურა რუსულ მოდელს - განვიხილავთ დეტალურად

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია

საერთაშორისო განათლების ახალი შესაძლებლობები - საქართველოს ბანკისა და LEAF-ის ახალი პარტნიორობა