შაბათს საღამოს, ათიათასობით ალბანელმა კიდევ ერთი საპროტესტო აქცია გამართა აშშ-ის პრეზიდენტის დონალდ ტრამპის ოჯახთან დაკავშირებული ფუფუნების კურორტის მშენებლობის წინააღმდეგ, ქვეყნის ადრიატიკის სანაპიროს ეკოლოგიურად დაცულ ნაწილში.

ამის შესახებ ინფორმაციას AP ავრცელებს.

ალბანური მედია იტყობინება, რომ შაბათ საღამოს საპროტესტო აქციაში 100 000-ზე მეტმა ადამიანმა მიიღო მონაწილეობა, მათ შორის საბერძნეთისა და სხვა ევროპული ქვეყნების დიასპორის წარმომადგენლები, ასევე მეზობელი კოსოვოდან ალბანელები.

მომჩივნებმა განაცხადეს, რომ თუ რამა კვირას, 19:00 საათამდე არ გადადგება, ისინი შეეცდებიან შეიჭრან და დაიკავონ მთავრობის შენობები და პარლამენტის შენობა დედაქალაქ ტირანაში.

ფუფუნების კურორტის მშენებლობის პროექტი დაკავშირებულია ტრამპის ქალიშვილ ივანკასა და მის მეუღლე ჯარედ კუშნერთან.

1.4 მილიარდ ევროზე მეტი ღირებულების ფუფუნების კურორტის პროექტმა, რომელსაც კუშნერის კომპანია Affinity Partners ახორციელებს, ბოლო კვირების განმავლობაში მასობრივი საპროტესტო აქციები გამოიწვია დასავლეთ ბალკანეთის ამ ქვეყანაში. ითვლება, რომ მშენებლობის გეგმები გავლენას მოახდენს ადრიატიკის ზღვის სანაპიროზე ეკოლოგიურად დაცულ ტერიტორიაზე.

მანამდე ევროკომისიამ მოუწოდა ალბანეთს, დაუყოვნებლივ მიიღოს ზომები ევროკავშირის გარემოსდაცვითი კანონმდებლობის დაცვის უზრუნველსაყოფად, თუ მას ბლოკში გაწევრიანება სურს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს