„ნიუ-იორკ ტაიმსის“ ცნობით, აშშ-ის პრეზიდენტის, დონალდ ტრამპის შვილების ნაწილობრივ საკუთრებაში არსებული კომპანიის ინვესტორებმა ყაზახეთში ვოლფრამის მოპოვების პროექტთან დაკავშირებული კომპანიის 20%-იანი წილი მიიღეს.

გაზეთის ცნობით, გასული წლის სექტემბერში ამერიკულმა მხარემ (პირადად ვაჭრობის მდივანმა ჰოვარდ ლატნიკმა და ტელეფონით პრეზიდენტმა დონალდ ტრამპმა) ყაზახეთის ლიდერ კასიმ-ჟომარტ ტოკაევთან შეთანხმება მოიპოვა, რომ „ნაკლებად ცნობილ ამერიკულ კომპანიას მსოფლიოში ერთ-ერთ უდიდეს განუვითარებელ ვოლფრამის რეზერვზე წვდომა მიეცა“.

„ტრამპი და ლატნიკი ერთადერთნი არ იყვნენ, ვინც შესაძლებლობა დაინახეს. მათმა ვაჟებმა მალევე დაიწყეს პარტნიორებთან ბიზნესის კეთება იმ გარიგების ფარგლებში, რომელიც მათმა მამებმა მოაწყვეს“, - აღნიშნავს გაზეთი.

ანგარიშის თანახმად, „დომინარი სექიურითის“ ინვესტორებმა, კომპანია, რომელიც ნაწილობრივ აშშ-ის პრეზიდენტის ორ უფროს ვაჟს, დონალდ ტრამპ უმცროსს და ერიკ ტრამპს ეკუთვნის, სხვა პარტნიორებთან ერთად, ყაზახეთის პროექტთან დაკავშირებულ კორპორატიულ სტრუქტურაში 20%-იანი წილი მიიღეს.

„ნიუ-იორკი“ ასევე აღნიშნავს, რომ ლატნიკების ოჯახის მიერ კონტროლირებადმა და მისი ვაჟების, ბრენდონისა და კაილის მიერ ზედამხედველობაზე მყოფმა საინვესტიციო ფირმა „კანტორ ფიცჯერალდმა“ ყაზახეთთან გარიგებაზე დომინარისთან მომუშავე ერთ-ერთ წამყვან ინვესტორს მსგავსი სტრუქტურისთვის 210 მილიონი დოლარის მოზიდვაში დაეხმარა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს