ფინანსთა მინისტრმა ნოდარ ხადურმა სერტიფიკატები გადასცა ფინანსთა სამინისტროსა და შემოსავლების სამსახურის იმ თანამშრომლებს, რომლებმაც წარმატებით გაიარეს საერთაშორისო დაბეგვრის 6-თვიანი კურსი.

ფინანსთა სამინისტროს ინფორმაციით, ღონისძიებას დაესწრნენ GIZ-ის პროგრამის „საჯარო ფინანსები სამხრეთ კავკასიაში“ ჯგუფის ხელმძღვანელი ბერნდ მიულერი, GIZ-ს ექსპერტი ვენდელა ვან დენ ბრიკი და IBFD-ის ექსპერტი ბარტ კოსტერი.

ფინანსთა სამინისტროსა და გერმანიის საერთაშორისო თანამშრომლობის საზოგადოების (GIZ) ერთობლივი თანამშრომლობით კურსი მიმდინარე წლის იანვარში დაიწყო და ჩატარდა 4 მოდული.

მოდულები ითვალისწინებდა საწყისიდან უმაღლეს ეტაპებს და მისი მიზანი იყო შემოსავლების სამსახურსა და ფინანსთა სამინისტროს სისტემაში საერთაშორისო დაბეგვრის საკითხზე მომუშავე კადრების კვალიფიკაციის ამაღლება, რათა ხელი შეეწყოს „ორმაგი დაბეგვრის თავიდან აცილების შესახებ“ შეთანხმებების პრაქტიკაში სწორ გამოყენებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია