შინაგან საქმეთა სამინისტროს, პროკურატურის და ფინანსთა სამინისტროს საგამოძიებო სამსახურის წარმომადგენელთა მონაწილეობით ერთობლივი სასწავლო აქტივობების ციკლი დაიწყო.

შსს-ს ინფორმაციით, სამუშაო შეხვედრები სამივე სისტემის თანამშრომლებისათვის ევროკომისიისგან მიღებული რეკომენდაციების გაცნობას ითვალისწინებს. შეხვედრების ფორმატში, პროკურორები და გამომძიებლები ძირითადად გაეცნობიან სამართალდაცვით სფეროში საერთაშორისო თანამშრომლობის, ინტერპოლთან თანამშრომლობისა და დანაშაულებრივი გზით მოპოვებული ქონების ჩამორთმევასთან დაკავშირებულ მექანიზმებს.

დაგეგმილ შეხვედრებში მომხსენებლები არიან შინაგან საქმეთა სამინისტროს და საქართველოს მთავარი პროკურატურის შესაბამისი მიმართულებების წარმომადგენლები. სასწავლო აქტივობა ბათუმში გაიმართა და მიმდინარე თვის ბოლომდე მთელი ქვეყნის მაშსტაბით განხორციელდება.

საგამოძიებო უწყებებს შორის ერთობლივი ტრენინგების, სემინარებისა და სამუშაო შეხვედრების განხორციელება ხელს უწყობს თანამშრომელთა კვალიფიკაციის ამაღლებას და უწყებებს შორის კოორდინაციის ზრდას. შესაბამის უწყებებთან თანამშრომლობით, ანალოგიური ერთობლივი სასწავლო აქტივობების განხორციელება მომავალშიც აქტიურად გაგრძელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია

ევროკავშირი რუსეთისგან მოითხოვს ცხინვალის რეგიონიდან, აფხაზეთიდან და დნესტრისპირეთიდან მისი გაყვანას