რუსეთის პრეზიდენტის პრეს-მდივნის, დიმიტრი პესკოვის მიერ გავრცელებული  განცხადების მიხედვით, რუსეთი ბერძენი ხალხის გადაწყვეტილებას პატივს სცემს.

 კრემლი თვალყურს ადევნებს საბერძნეთში  მიმდინარე მოვლენებს.

„ჩვენ პატივისცემით განვიხილავთ პლებისციტის შედეგებს და ყურადღებით ვაკვირდებით საბერძნეთში არსებულ  სიტუაციას. ჩვენს ბერძენ კოლეგებს ვუსურვებთ, რომ რაც შეიძლება სწრაფად მიაღწიონ კომპრომისს კრედიტორებთან და მიიღონ ის გადაწყვეტილება, რომელიც საუკეთესოდ აისახება ამ ქვეყნის ეკონომიკურ და სოციალურ სტაბილურობაზე.“ - განაცხადა პესკოვმა.

ამასთან , მან ხაზი გაუსვა იმ ფაქტს, რომ რუსეთსა და საბერძნეთს ისტორიულად მჭიდრო ურთიერთობა და მრავალვექტორული პარტნიორობა აკავშირებთ.

შეკითხვაზე, აპირებს თუ არა რუსეთი, საბერძნეთს ფინანსური დახმარება აღმოუჩინოს, პესკოვმა უპასუხა, რომ უმჯობესია ეს კითხვა ათენს დაუსვან, ვინაიდან საბერძნეთს რუსეთისათვის ფინანსური დახმარების ოფიციალური თხოვნით ჯერაც არ მიუმართავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნატო რუსეთის საზღვრებთან 60 000 ჯარისკაცამდე გააძლიერებს თავის ყოფნას

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის