აშშ-ის უზენაესი სასამართლოს გადაწყვეტილებით, ლგბტ  ადამიანებს ქორწინების ლეგალური უფლება ამერიკის შეერთებული შტატების მთელ ტერიტორიაზე აქვთ.

მოსამართლე ენტონი კენედიმ დაადგინა, რომ ქორწინება ყველა ადამიანისათვის კონსტიტუციური უფლებაა.

აღნიშნულ გადაწყვეტილებას აშშ-ს პრეზიდენტი ბარაქ ობამა გამოეხმაურა.

„დღეს თანასწორობისკენ დიდი ნაბიჯი გადაიდგა. გეი და ლესბოსელ წყვილებს აქვთ უფლება დაქორწინდნენ, ისევე როგორც ყველა სხვას. სიყვარული იმარჯვებს“ - დაწერა აშშ-ს პრეზიდენტმა „ტვიტერის“ საკუთარ გვერდზე.

ამასთან, უზენაესი სასამართლოს გადაწყვეტილებას გამოეხმაურა, პრეზიდენტობის კანდიდატი „დემოკრატებიდან“ ჰილარი კლინტონი.  „დღეს აშშ-მ გაიმარჯვა, დღეს გაიმარჯვა ადამიანის უფლებებმა, რომელიც ყველაზე ძვირფასია“

ამ გადაწყვეტილების მიღებამდე, ერთსქესიანი ქორწინება ამერიკის მხოლოდ 37 შტატში იყო შესაძლებელი.

უცნობია, თუ როდის გაიცემა ლიცენზია ამგვარ ქორწინებაზე იმ შტატებში, რომლებშიც განსხვავებული სექსუალური ორიენტაციის მქონე მოქალაქეებს დაქორწინება აკრძალული ჰქონდათ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნატო რუსეთის საზღვრებთან 60 000 ჯარისკაცამდე გააძლიერებს თავის ყოფნას

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის