ბათუმს კიდევ ერთი სასტუმრო შეემატა. ბუტიკის ტიპის სასტურმო „BLOOM“ ძველ ბათუმში აჭარის ტურიზმის დეპარტამენტის თავმჯდომარე სულხან ღლონტმა და ბათუმის მერმა ლაშა კომახიძემ ოფიციალურად გახსნეს.

სასტუმრო 27 ნომრიანია და ის ჯამში 78 ადამიანზეა გათვლილი. სასტუმრო სრულადაა აღჭურვილი უსაფრთხოებისა და სახანძრო სისტემით. ამ ეტაპზე, სასტუმროში 30 ადამიანია დასაქმებული. 

„ამ დღეებში ჩვენ უკვე მეორე სასტუმრო გავხსენით ბათუმში, რაც ძალიან მნიშვნელოვანია ტურისტული ინფრასტრუქტურის განვითარებისა და ახალი საწოლი ადგილების შექმნის კუთხით. სასტუმრო ბათუმის ისტორიულ უბანში მდებარეობს და ის სრულად ჯდება იმ ავთენტურ გარემოში, რაც ასე მიმზიდველსა და საინტერესოს ხდის ძველ ბათუმს ტურისტებისთვის. რეგიონს ყოველწლიურად ემატება ახალი ტურისტული ობიექტები, ეს იქნება განთავსების, კვებისა თუ გასართობი, რაც დამატებითი სტიმულია ბიზნესისთვის და მრავალფეროვან არჩევანს ქმნის ტურისტებისთვის. აღნიშნული სასტუმროს შემთხვევაში გვაქვს ქართული ინვესტიცია და მასში მუდმივად 30 ადამიანია დასაქმებული.  ბუნებრივია, ეს პროცესი გაგრძელდება და ბათუმში არაერთი ტურისტული ობიექტი გაიხსნება,“ - განაცხადა აჭარის ტურიზმის დეპარტამენტის თავმჯდომარე სულხან ღლონტმა სასტუმრო გახსნისას. 

(NS)

ავტორი: ექსპრესნიუსი,

სოციალური ქსელები

ირანული მედია: თეირანსა და ვაშინგტონს შორის შეთანხმება მიღწეული არ არის

ორდღიანი ძებნის შემდეგ, დაკარგული მწყემსი მდინარე გუბისწყალში გარდაცვლილი იპოვეს

ბათუმის სახელმწიფო უნივერსიტეტის პროფესორმა ახალგაზრდა გოგოებზე იძალადა

Axios: აშშ და ირანი 60-დღიან ცეცხლის შეწყვეტაზე შეთანხმდნენ