საქართველოს საგარეო საქმეთა მინისტრმა, თამარ ბერუჩაშვილმა ოფიციალური შეხვედრა გამართა არგენტინის ვიცე–პრეზიდენტთან და სენატის თავმჯდომარესთან ამადო ბუდუსთან.

აღნიშნულ შეხვედრაზე განხილულ იქნა ქვეყნებს შორის არსებული ორმხრივი თანამშრომლობა პოლიტიკურ, სავაჭრო-ეკონომიკურ, კულტურულ და საგანმანათლებლო სფეროებში. 22 ივნისს მინისტრი სიტყვით გამოვიდა არგენტინის საგარეო ურთიერთობათა ეროვნულ ინსტიტუტში და მიმოიხილა საქართველოს საგარეო პოლიტიკის ძირითადი მიმართულებები, ასევე ისაუბრა ლათინური ამერიკის რეგიონთან საქართველოს თანამშრომლობის პრიორიტეტებზე.

პარალელურად ბერუჩაშვილმა შეხვედრა გამართა ბუენოს-აირესში აკრედიტებული ლათინური ამერიკის ქვეყნების ელჩებთან, რომელსაც ესწრებოდნენ არგენტინაში ბრაზილიის, ურუგვაის, პერუს, კოლუმბიის, ბოლივიის, მექსიკის, გვატემალის, ელ სალვადორის, პანამის, კოსტა-რიკას ელჩები.

საგარეო საქმეთა სამინისტრტოს განცხადებით, 24 ივნისს ურუგვაის აღმოსავლურ რესპუბლიკაში, ხოლო 25-26 ივნისს ჩილეს რესპუბლიკაში ვიზიტია დაგეგმილი.

ამასთან ვიზიტის განმავლობაში დაგეგმილია ურუგვაისთან, არგენტინასთან და ჩილესთან უვიზო მიმოსვლის შესახებ ხელშეკრულების გაფორმება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი უკრაინას თითქმის 2.8 მილიარდ ევროს გამოუყოფს

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს

ლავროვი საქართველოსა და მოლდოვიდან რუსული ჯარების გაყვანაზე კალასის განცხადებაზე: იდიოტურ განცხადებებს არ განვიხილავ

კალასი: ევროკავშირის უსაფრთხოების ინტერესებში საქართველოდან რუსული ჯარების გაყვანაც შედის