თბილისის საკრებულოს ოპოზიცია თბილისის 2015 წლის ბიუჯეტში დაგეგმილ ცვლილებებს მხარს არ დაუჭერს.

ფრაქცია „ერთიან ნაციონალურ მოძრაობაში“ აცხადებენ, რომ დედაქალაქის მერია სტიქიის ხარჯზე ცდილობს ისეთი ცვლილებების განხორციელებას, რომელიც რეალურად შეიცავს კორუფციის ნიშნებს.

„შიდა გადანაწილებების გათვალისწინებით თბილისის ბიუჯეტში შედის 50 მილიონ ლარზე მეტი ცვლილება, საიდანაც სტიქიის შედეგების ლიკვიდაციას მოხმარდება მხოლოდ 14 მილიონი ლარი. 13 მილიონი ლარი ემატება ერთი თვით ადრე ოლიმპიური ფესტივალის მზადებისათვის ღონისძიებებს, 18 მილიონის სესხის აღება ხდება თითქოს საგზაო სამუშაოებისათვის, მაშინ როდესაც ამ გზების ჩამონათვალი არავის უნახავს. როგორც ჩანს, ხელისუფლება ამ სიტუაციაშიც ცდილობს სტიქიის ლიკვიდაციის საფარქვეშ გააძვრინოს ცვლილებები, რომლებიც კიდევ უფრო შეუწყობს კორუფციულ სქემებს, რაც თბილისის მერიაშია“, - განაცხადა ირაკლი აბესაძემ.

თბილისის ბიუჯეტი 45 მილიონი ლარით იზრდება. მერიის ინიციატივას საკრებულოს საფინანსო-საბიუჯეტო კომისიის სხდომაზე დღეს განიხილავენ. თანხა სამი მიმართულებით გადანაწილდება. 13 ივნისის სტიქიით დაზარალებულებისთვის 14 მილიონია გათვალისწინებული, 18 მილიონი ინფრასტრუქტურული პროექტებისთვის გამოიყოფა, ხოლო 13 მილიონი ოლიმპიურ ფესტივალს მოხმარდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი უკრაინას თითქმის 2.8 მილიარდ ევროს გამოუყოფს

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს

ლავროვი საქართველოსა და მოლდოვიდან რუსული ჯარების გაყვანაზე კალასის განცხადებაზე: იდიოტურ განცხადებებს არ განვიხილავ

კალასი: ევროკავშირის უსაფრთხოების ინტერესებში საქართველოდან რუსული ჯარების გაყვანაც შედის