აჭარის ა.რ. მთავრობის თავმჯდომარე არჩილ ხაბაძე, გიორგი თავამაიშვილი და შვედეთში საქართველოს ელჩის მოვალეობის შემსრულებელი უჩა გაბეჩავა გოტებურგის მერს ლენა მალმს შეხვდნენ.

აჭარის მთავრობის პრესსამსახურის ინფორმაციით, შეხვედრაზე საუბარი შეეხო ქართულ-შვედურ ბიზნეს ურთიერთობებს. არჩილ ხაბაძემ წარადგინა აჭარის ავტონომიური რესპუბლიკის პროიორიტეტული მიმართულებები და ეკონომიკური პოტენციალი. აღინიშნა, რომ ვინაიდან გოტებურგიც საპორტო ქალაქია, სადაც მდებარეობს შვედეთის ყველაზე დიდი პორტი, შესაძლებელია გოტებურგის გამოცდილება ბევრი მიმართულებით სამაგალითო იყოს აჭარისთვის, როგორც ზღვისპირა რეგიონისთვის.

შეხვედრის შემდეგ არჩილ ხაბაძემ განაცხადა, რომ მნიშვნელოვანია წარმატებული ქვეყნების რეგიონების გამოცდილების გაზიარება. „ჩვენს ქალაქებს ბევრი საერთო აქვს. გოტებურგის ერთ-ერთ მნიშვნელოვან პრიორიტეტულ დარგს სწორედ ტურიზმი წარმოადგენს, შესაბამისად ბევრი რამ გვაქვს ერთმანეთისგან სასწავლი და სათანამშრომლო. შესაძლებელია, სამომავლოდ ბათუმისა და გოტებურგის დამეგობრება და მჭიდრო კავშირების დამყარება განათლების, ტურიზმის და სხვა მიმართულებით“ - აღნიშნა მან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია