თვითმმართველი ქალაქის სტატუსის მინიჭებიდან 130 წლისთავს ბათუმი სხვადასხვა გასართობი და კულტურული ღონისძიებებით შეხვდა. დღესასწაულთან დაკავშირებით ბათუმის ძველ უბნებში მე-19 საუკუნის ქალაქი და მასთან დაკავშირებული ისტორიები გაცოცხლდა.

„მინდა მივულოცო ბათუმობის დღესასწაული ბათუმს, მთელ აჭარას. ეს არის ძალიან ლამაზი დღე. გაცოცხლებულია ის ისტორიები, რომლებიც ჩვენს ქალაქს უკავშირდება. განსაკუთრებით მსიამოვნებს აქ არსებული განწყობა და ბავშვების ჟრიამული. ვულოცავ ყველას, პატარებს და უფროსი თაობის წარმომადგენლებს" - აღნიშნა მილოცვისას აჭარის მთავრობის თავმჯდომარემ თორნიკე რიჟვაძემ, რომელიც ქალაქის მთავარ დღესასწაულს ოჯახთან ერთად ესწრებოდა.

წარმოდგენილი იყო კოსტიუმირებული სანახაობები, თემატური კუთხეები, ასევე ხელნაკეთი ნივთების და სამუზეუმო ექსპონატების გამოფენა. მთავრობის აღმასრულებელ და საკანონმდებლო ხელისუფლების წარმომადგენლებთან ერთად, „ბათუმობის" ღონისძიებებს ბათუმთან დამეგობრებული ქალაქების მერები და საზოგადოების წარმომადგენლები ესწრებოდნენ. ძველ ბათუმში გამართულ ღონისძიებებზე ბათუმელებთან ერთად ქალაქის სტუმრების სიმრავლე შეინიშნებოდა.

„ბათუმობა 2018“ პიაცაზე გალა კონცერტით დასრულდება.

(NS)

ავტორი: ,

სოციალური ქსელები

კობახიძე: დახვეწილი ხელწერაა, როცა ხელისუფლებას აქვს ჯანსაღი რეაქცია სამართალდარღვევაზე

ევროკავშირი უკრაინას თითქმის 2.8 მილიარდ ევროს გამოუყოფს

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს

ლავროვი საქართველოსა და მოლდოვიდან რუსული ჯარების გაყვანაზე კალასის განცხადებაზე: იდიოტურ განცხადებებს არ განვიხილავ