საქართველოს იუსტიციის სამინისტროს სსიპ „დანაშაულის პრევენციის ცენტრისა“ და საქვემლოქმედო ფესტივალ „პოემუსის“ ორგანიზებით,  ავჭალის არასრულწლოვანთა N11 სარეაბილიტაციო დაწესებულებაში კონცერტი გაიმართა.

მასში ცნობილი მომღერლები, მსახიობები და პოეტები მონაწილეობდნენ. მათ შორის იყვნენ თორნიკე ყიფიანი, ნუცა ბუზალაძე, ია სუხიტაშვილი, სანდრო კაკულია, გიორგი რუხაძე და სხვები.

კომპანიამ PSP არასრულწლოვნებისთვის სასაჩუქრედ ჰიგიენური საშუალებების კომპლექტები გამოყო, გერმანიის საერთაშორისო თანამშრომლობის საზოგადოებამ კი არასრულწლოვნებს საჩუქრად წიგნები გადასცა.

იუსტიციის სამინისტროს დანაშაულის პრევენციის ცენტრის დირექტორის მოადგილის გიორგი პაპავას განცხადებით, ცენტრი მსგავს ღონისძიებებს „პოემუსთან“ ერთად უკვე ტრადიციულად მართავს.

„კიდევ ერთი ღონისძიება ჩავატარეთ არასრულწლოვანთა სარეაბილიტაციო დაწესებულებაში. ჩვენ ვცდილობთ ღონისძიებაში მონაწილეობა მიიღონ იმ ცნობილმა ხელოვანებმა, რომლების მოსმენაც და ნახვაც სურთ ჩვენს უმცროს მეგობრებს. კიდევ ერთი სასიამოვნო საღამო ვაჩუქეთ მასპინძლებს“, - განაცხადა გიორგი პაპავამ.

ღონისძიებას კომპანია PSP-ს მარკეტინგის დირექტორი თორნიკე გურული დაესწრო. მისი თქმით, ფარმაცევტული კომპანია სიამოვნებით შეუერთდა ამ აქციას და მზადყოფნა გამოთქვა მომავალშიც აქტიური თანამშრომლობის შესახებ. მსახიობმა სანდრო კაკულიამ კი ღონისძიების ორგანიზატორებს მიწვევისთვის მადლობა გადაუხადა და აღნიშნა, რომ მისთვის ეს ემოციური საღამო დაუვიწყარი იქნება.

ამ დროისთვის ავჭალის  N11 სარეაბილიტაციო დაწესებულებაში 48 არასრულწლოვანი იმყოფება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-მ ირანზე ახალი დარტყმები განახორციელა

პენტაგონმა განაცხადა, რომ მზადაა ირანის წინააღმდეგ სამხედრო ოპერაცია გააგრძელოს

მოდით, კვლავ გავხადოთ სომხეთი დიდებული - დონალდ ტრამპმა ნიკოლ პაშინიანს არჩევნებში მხარი დაუჭირა

თეირანმა ქუვეითში აშშ-ის ბაზაზე თავდასხმა განახორციელა