ზუგდიდის მუსიკალური სკოლის სააქტო დარბაზში მუნიციპალიტეტის სკოლამდელ სააღმზრდელო დაწესებულებებს შორის „ყველაზე ნიჭიერი“ – ს გამოვლენის ღონისძიება დაიწყო.

ღონისძიებას მუნიციპალიტეტის გამგებელი ედიშერ თოლორაია, სამეგრელო – ზემო სვანეთის საოლქო პროკურორის მოადგილე ნონა თოლორაია, გამგეობის თანამშრომლები, ბულგარეთის ფესტივალის წარმომადგენლობა საქართველოში, ხელოვნების ცენტრ „ჰარმონია“–ს დირექტორი და საერთაშორისო ფესტივალი „თეთრ თოლია“–ს პრეზიდენტი დარეჯან გეფერაძე ესწრებოდნენ.

ზუგდიდის გამგეობის ინფორმაციით, სკოლამდელი აღსაზრდელები ერთმანეთს ცეკვაში, სიმღერაში, ინტელექტუალურ თამაშებში და ხატვაში შეეჯიბრებიან.

საბავშვო ბაღებს შორის გამარჯვებულს, ჟიური გამოავლენს, რომლის შემადგენლობაში არიან, სკოლამდელი სააღმზრდელო დაწესებულებათა ცენტრის დირექტორი ციცო თოლორაია, მუნიციპალიტეტის გამგეობის კულტურის სამსახურის უფროსი მაია ჩიტაია, განათლების განყოფილების უფროსი ზაზა გაბისონია, საერთაშორისო ფესტივალი „თეთრ თოლია“–ს პრეზიდენტი დარეჯან გეფერაძე და საკრებულოს აპარატის წევრები.

გამარჯვებულები ხუთ ნომინაციაში დასახელდებიან. პრველი ადგილის მფლობელ საბავშვო ბაღს ფულადი ჯილდო 300 ლარის ოდენობით გადაეცემა, ხოლო მეორე ადგილის მფლობელს 200 ლარი და მესამე ადგილზე გასულებს 150 ლარი, ხოლო დანარჩენ ნომინაციებზე გასულებს სიმბოლური საჩუქრები გადაეცემათ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა