მცხეთაში გარემოს დაცვისა და სოფლის მეუნეობის სამინისტროს შპს „საქართველოს მელიორაცია“ ლამი-მისაქციელის სარწყავი სისტემის რეაბილიტაციას ახორციელებს.

სამუშაოები ითვალისწინებს სარწყავი სისტემის არხების ფილტრაციის საწინააღმდეგო ღონისძიებების გატარებას და მაგისტრალური არხის ჩამქრობი ჭის მოწყობას. რეაბილიტაციის ფარგლებში არხი რკინა-ბეტონის ფილებით მოპირკეთდება, მოეწყობა ბერმები და მოიხრეშება გზა.

ლამი-მისაქციელის სარწყავი სისტემა ემსახურება მცხეთა-მთიანეთის რეგიონის შემდეგ სოფლებს: წითელსოფელს, ნაოზას, აღდგომლიანთკარს, მისაქციელს, ნატახტარს, ახალუბანს, წილკანს, ძალისს, მუხრანს, ქანდას, ჩარდახს, წეროვანს, გოროვანს და ვარდისუბანს; სარწყავი სისტემა 5 000 ჰექტრამდე სასოფლო-სამეურნეო მიწის ფართობს რწყავს.

დღეისათვის მცხეთა-მთიანეთის რეგიონში წყალუზრუნველყოფილი მიწის ფართობი 9 974 ჰექტარს შეადგენს, სარწყავი წყლის მიწოდება 1 600 ჰექტარზეა გაუმჯობესებული, ხოლო სადრენაჟო სამუშაოები განხორციელდა 2 900 ჰექტარ სასოფლო-სამეურნეო სავარგულზე. ბოლო 6 წლის მანძილზე რეგიონში 278 ჰიდროტექნიკური ნაგებობა შეკეთდა, ასევე, გაიწმინდა და მოწესრიგდა 628 კმ სამელიორაციო არხი.

(NS)

ავტორი: ,

სოციალური ქსელები

“ქეშბექობანა” - ლიბერთის ლოიალობის პროგრამა Cashback-ის და VISA-ს განსაკუთრებული შეთავაზებები ბავშვებისთვის

ბრიტანული დაზვერვა: უკრაინაში ომში თითქმის ნახევარი მილიონი რუსი ჯარისკაცი დაიღუპა

აშშ-ის სახელმწიფო დეპარტამენტის დელეგაციასთან კოალიცია ცვლილებისთვის ლიდერებმა შეხვედრა გამართეს

1 ივნისის შეთავაზებები მოსწავლეებისთვის საქართველოს ბანკის sCoolApp-ში