2 თებერვალს, დიმიტრი შევარდნაძის სახელობის ეროვნულ გალერეაში გაიხსნება გამოფენა „მიქელანჯელო და სიქსტეს კაპელა“, ექსპოზიცია იტალიის საელჩოს და საქართველოს ეროვნულ მუზეუმის ორგანიზებით იმართება. გამოფენაზე წარმოდგენილი იქნება 6 გრაფიკული ნამუშევარი ფლორენციის „კაზა ბუონაროტის“ მუზეუმის კოლექციიდან.

თბილისი პირველად უმასპინძლებს რენესანსის ეპოქის გენიალური იტალიელი მოქანდაკის, მხატვრის, არქიტექტორისა და პოეტის, მიქელანჯელო ბუონაროტის ნამუშევრებს.

უნიკალურ ჩანახატებთან ერთად,ექსპოზიციაზე წარმოდგენილი იქნება ფლორენციელი გენიოსის მიერ ფანქრით შექმნილი სახეები და სხეულები (ხელის ესკიზი ფრესკისთვის "ადამის შექმნა" და ფიგურები ფრესკისთვის "სამოთხიდან განდევნა"), შესაბამისი ფრესკების ვიდეოგამოსახულებებთან ერთად. ასევე, გამოფენის სტუმრებს შესაძლებლობა ექნებათ, იხილონ ფილმი „მოგზაურობა მიქელანჯელოს აღმოსაჩენად".

გამოფენა დამთვალიერებლებს უმასპინძლებს 2018 წლის 2 თებერვლიდან 3 აპრილამდე.

გამოფენა რომლის ორგანიზატორები არიან იტალიის საელჩო საქართველოში და საქართველოს ეროვნული მუზეუმი, სხვადასხვა ინსტიტუციებთან მჭიდრო თანამშრომლობის შედეგია, იტალიური მხრიდან: საგარეო საქმეთა და საერთაშორისო თანამშრომლობის სამინისტრო, კულტურის სამინისტრო და პროგრამა "VivereALL'italiana". ქართული მხრიდან: კულტურისა და ძეგლთა დაცვის სამინისტრო, ეკონომიკისა და მდგრადი განვითრების სამინისტრო, ტურიზმის ეროვნული ადმინისტრაცია, პროექტი Check-in-Georgia და ვითიბი ბანკი. გამოფენა იმართება მუზეუმთან „კაზა ბუონაროტი" და კულტურულ ასოციაცია „მეტამორფოზისთან“ თანამშრომლობით.

(R)

ავტორი: ,

სოციალური ქსელები

ბრიტანეთმა 3 საქართველოში რეგისტრირებულ კომპანიას შეზღუდვები დაუწესა

საქართველოს ბანკის გზავნილი ემიგრანტებს დამოუკიდებლობის დღესთან დაკავშირებით

თსუ-სთან საპროტესტო აქციის მონაწილეები იკრიბებიან

პრეზიდენტი მატარელა: იტალია ყურადღებით აკვირდება საქართველოს ევროკავშირში გაწევრიანების გზას