ეკონომიკისა და მდგრადი განვითარების მინისტრმა გიორგი კვირიკაშვილმა, პარლამენტში, ეკონომიკური პროფილის კომიეტეტების გაერთიანებულ სხდომაზე სყალტუბოს სპა კურორტის რეაბილიტაციისა და განვითარების პროექტზე ისაუბრა.

როგორც მინისტრმა აღნიშნა, აღნიშნულ კურორტზე რამდენიმე მსხვილი ინვესტიცია იგეგმება.

„წყალტუბოს სპა კურორტის რეაბილიტაციისა  და განვითარების მიზნით უკვე დავასრულეთ ავსტრიული კომპანია “Kohl&Partners”-თან კურორტის ზონირება და კვლევა,  ამჟამად მიმდინარეობს საპარტნიორო ფონდთან ერთად  ფარნგული კომპანია „ვიში“-ს მეშვეობით წყალტუბოს  კურორტის, მისი წყლის  საერთაშორისო სერტიფიცირება . ჩვენ ყველას მოგვეხსენება, რომ ესაა წლებით გამოცდილი, ძალიან მნიშვნელოვანი კურორტი, თუმცა, დღემდე საერთაშორისო, დოკუმენტურად დადასტურებული კვლევები ამ მიმართულებით არ განხორციელებულა. სწორედ ამიტომ უმაღლესი რეპუტაციის მქონე კომპანია დღეს ახორციელებს კვლევას, რათა ეს დოკუმენტურად იქნას დადასტურებული. ეს რამდენჯერმე გაზრდის ამ პროექტის კაპიტალიზაციას. ამ კურორტზე იგეგმება რამდენიმე ძალიან მსხვილი ინვესტიცია, ათეულობით მილიონი დოლარის ინვესტიციაზეა საუბარი, ჩვენ უკვე კონკრეტულ ინვესტორებთან ვაწარმოებთ მოლაპარაკებებს“, - განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნატო რუსეთის საზღვრებთან 60 000 ჯარისკაცამდე გააძლიერებს თავის ყოფნას

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის