2017-11-17 10:54:36, 998 ნახვა

---

ბიბილოვი: საქართველოსთან საზღვარზე უსაფრთხოების დაცვისთვის შესაბამისი საინჟინრო სამუშაოები უნდა ჩავატაროთ

საქართველოსთან საზღვარზე უსაფრთხოების დაცვისთვის შესაბამისი საინჟინრო სამუშაოები უნდა ჩავატაროთ, - ამის შესახებ დე-ფაქტო პრეზიდენტმა ანატოლი ბიბილოვმა ცხინვალში გამართულ პრესკონფერენციაზე განაცხადა.

როგორც მან აღნიშნა, ამ საკითხზე მოლაპარაკებები მოსკოვში მისი ვიზიტის დროს შედგა.

„რუსეთში გამართულ შეხვედრებზე მე აღვნიშნე, რომ სახელმწიფო საზღვრის უსაფრთხოების სრული დაცვისთვის მის კეთილმოწყობაზე უნდა ვიზრუნოთ და შესაბამისი საინჟინრო სამუშაოები ჩავატაროთ. მესმის, რომ მსგავსი ნაბიჯები საქართველოს მხრიდან წინააღმდეგობას გამოიწვევს. თუმცა, ამაში საქართველოსთვის ვერაფერს საგანგაშოს ვერ ვხედავ. ყველას აქვს უფლება საკუთარი ტერიტორიები დაიცვას და აღჭურვოს საზღვრები საერთაშორისო სამართლის ნორმების დაცვით", - აღნიშნა ბიბილოვმა.

---

ავტორი: ,

---

დღის თემა

მთავარი თემა

ინტერვიუ - ექსკლუზივი