შემოსავლების სამსახურის ინფორმაციით, 4 მაისს საბაჟო გამშვები პუნქტის  „სარფი“-ს ტერიტორიაზე  თურქეთიდან საქართველოს მოქალაქე კ. კ. შემოვიდა, რომლის კუთვნილი ავტომობილის დათვალიერებისას მებაჟე ოფიცრებმა ვერცხლის არადეკლარირებული საქონელი აღმოაჩინეს.

კერძოდ, მონეტები (152,97გრ), ბეჭდები (84,15გრ), კულონები (29,29გრ), გულსამაგრი (5,78გრ), ყელსაბამები (31,84გრ), სამაჯურები (6,94გრ), საყურეები (22,2გრ),  სუფრის აქსესუარები (13,62გრ), ასევე ვერცხლის ჯართი 30,78გრამი და ოქროს საათი (39,06გრ). საერთო წონით 417,2გრამი. კ.კ-ს აღნიშნული საქონელი ავტომანქანაში, სხვადასხვა ნივთებში ჰქონდა დამალული. საქონლის საბაჟო ღირებულებამ  1296,78 აშშ დოლარი(ექვივალენტი ლარში 3022ლარი) შეადგინა. მოქალაქე კ.კ.  საქართველოს  საგადასახადო კოდექსის 289-ე მუხლის მე-10 ნაწილის თანახმად დაჯარიმდა და სანქციის სახით შეეფარდა ფულადი ჯარიმა 3022 ლარის ოდენობით.

გარდა ამისა, შემოსავლების სამსახურის ცნობით, 2 მაისს საბაჟო გამშვებ პუნქტ „თბილისის აეროპორტში“ რეისით “შარჯა-თბილისი” სომხეთის მოქალაქე ფ. კ. ჩამოვიდა, რომელსაც ეჭვის საფუძველზე ხელბარგის დათვალიერებისას არადეკლარირებული საქონელი:  15 ცალი მობილური ტელეფონი (SAMSUNG GALAXY  7ც, IPHONE 7ც, HTC 1 ც),  ლეპტოპი (HP),   ტაბი (SAMSUNG GALAXY), ფოტოაპარატი (CANON), 24 ც  ე.წ. გადამყვანი (USB), ასევე 24 ც. მობილური ტელეფონის დამტენი, 21 ც. ყურსასმენი, სათვალთვალო კამერა,  პროექტორი და   სუნამოები აღმოაჩნდა.  საქონლის საბაჟო ღირებულებამ   12423,62 ლარი შეადგინა. ფ.კ-ს  სსკ-ის 289-ე მუხლის მე-10 ნაწილის შესაბამისად, სანქციის სახით  შეეფარდა ფულადი ჯარიმა  12423,62 ლარის ოდენობით.

2 მაისს, ამავე რეისით თბილისში სომხეთის კიდევ ერთი მოქალაქე  ე. მ.  ჩამოვიდა, მასაც ხელბარგშიც არადეკლარირებული საქონელი, კერძოდ: 10 ცალი მობილური ტელეფონი (SAMSUNG GALAXY), ლეპტოპი (ACER), 10 ერთეული სუნამო და მობილური ტელეფონების აქსესუარები აღმოუჩინეს. საქონლის საბაჟო ღირებულებამ  4139,68 ლარი შეადგინა. შესაბამისად, ე. მ-ს  სსკ-ის  289-ე მუხლის მე -10 ნაწილის თანახმად, სანქციის სახით შეეფარდა ფულადი ჯარიმა  4139,68 ლარი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბრიტანეთის მიერ დასანქცირებული ქართული კომპანიების წინააღმდეგ გამოძიება დაიწყო

თიბისი კონცეპტი წარმოგიდგენთ თბილისის საერთაშორისო თეატრალურ ფესტივალს

კალაძე: ორი წლის წინ რეაბილიტირებულ მეტროსადგურ „ავლაბარში“ წყალი ისე ჩადიოდა, როგორც გარეთ, შეისწავლეთ საკითხი

Washington Post: აშშ-ს ყოფილი მოკავშირე საქართველო ირანის ორბიტაზე ექცევა