ავტოსაგზაო შემთხვევის შედეგად, ყირგიზეთის ვიცე-პრემიერი დაიღუპა

2017-10-07 11:10:04, 2510 ნახვა

მსოფლიო

ავტოსაგზაო შემთხვევის შედეგად, ყირგიზეთის ვიცე-პრემიერი თემირ ჯუმაკადიროვი დაიღუპა, - ამის შესახებ "რადიო თავისუფლება" იუწყება.

მედია საშუალების ინფორმაციით, ავტოსაგზაო შემთხვევა დედაქალაქ ბიშკეკთან მოხდა.

მედიის ცნობით, ავტომობილი, რომლითაც ვიცე-პრემიერი გადაადგილდებოდა სატვირთო მანქანას დაეჯახა. ვიცე-პრემიერის გარდა ავტომობილში მჯდომი კიდევ ორი ადმიანი გარდაიცვალა.

ცნობისთვის, ვიცე-პრემიერი თემირ ჯუმაკადიროვი ყირგიზეთის საპრეზიდენტო არჩევნების რესპუბლიკურ შტაბს ხელმძღვანელობდა. ის ერთ-ერთ ოლქში საარჩევნო უბნების შესამოწმებლად მიემგზავრებოდა.

ჯუმაკადიროვმა ვიცე-პრემიერის პოსტი მიმდინარე წელს დაიკავა. ის მინისტრთა კაბინეტში უსაფრთხოების საკითხებს კურირებდა.

შეგახსენებთ, რომ ყირგიზეთში საპრეზიდენტო არჩევნები 15 ოქტომბერს გაიმართება.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები