გორის რაიონში, სოფელ ძევერაში პროექტის „დანერგე მომავალი“ ფარგლებში, შპს „ნილ ედვაიზორი გრუპმა“ ახალი ხეხილის ბაღი 2015 წელს გააშენა.

სოფლის მეურნეობის სამინისტროს ინფორმაციით, კომპანიამ „ნილ ედვაიზორი გრუპი“ 10 ჰექტარზე ვაშლის ბაღის გაშენებისათვის და სარწყავი სისტემის მოწყობისთვის 41 030 ლარის სახელმწიფო დაფინანსება მიიღო, კუთვნილ ფართობზე 2 სხვადასხვა ვაშლის ჯიშის ბაღი გააშენა და წელს პირველი მოსავლის სახით 50 ტონა ვაშლს ელოდება. ბაღში 50 ადამიანია დასაქმებული.

სოფლის მეურნეობის პროექტების მართვის სააგენტოს წარმომადგენელმა ლევან დოლიძემ და შიდა-ქართლის გუბერნატორის  მოადგილემ სიმონ გულედანმა სოფელ ძევერაში შპს „ნილ ედვაიზორი გრუპის“ ვაშლის ბაღები დაათვალიერეს და მოსავლის კრეფის პროცესში მიიღეს მონაწილეობა.

პროექტების მართვის სააგენტოს წარმომადგენლის განცხადებით, სახელმწიფო პროექტის ბენეფიციარმა, შპს „ნილ ედვაიზორ გრუპმა“ სახელმწიფოსგან 31 955 ლარი ნერგების შესაძენად, ხოლო 9 075 ლარი წვეთოვანი სისტემის მოწყობისთვის მიიღო. გარდა ამისა, კომპანიამ კიდევ ერთი სახელმწიფო პროგრამით ისარგებლა, შეღავათიანი აგროკრედიტის სახით 146 000 აშშ დოლარი აიღო, რომელიც ბაღის მოწყობა/გაფართოებისთვის გამოიყენა.

პროექტის „დანერგე მომავლი“  ფარგლებში, შიდა-ქართლის რეგიონში მრავალწლიანი კულტურის სხვადასხვა ხეხილის ბაღები სულ 1 169 ჰა მიწის ფართობზე გაშენდა, გაცემულმა დაფინანსებამ 7 703 963 ლარი შეადგინა. ახალი ხეხილის ბაღების გაშენებისა და სარწყავი სისტემის მოწყობისთვის, მთელი საქართველოს მასშტაბით გაშენებული ფართობი, დღეის მონაცემებით,  3 604 ჰექტარს შეადგენს, ხოლო დაფინანსების მოცულობა 18 213 974 მილიონი ლარია.

სოფლის მეურნეობის პროექტების მართვის სააგენტო „აწარმოე საქართველოში - სწრაფი განვითარებისთვის“ ფარგლებში, ახორციელებს „ერთიან აგროპროექტს“, რომელიც გათვლილია გრძელვადიან განვითარებაზე და მისი მიზანია ისეთი გარემოს შექმნა, რომელიც ხელს შეუწყობს სოფლის მეურნეობაში კონკურენტუნარიანობის ამაღლებას, მაღალხარისხიანი პროდუქციის წარმოების სტაბილურ ზრდას, სურსათის უვნებლობის საერთაშორისო სტანდარტების დანერგვას.

(NS)

ავტორი: ,

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა