„ბლექ სი არენაზე“ ელტონ ჯონის კონცერტები მომავალი წლის 30 ივნისსა და 1-ელ ივლისს ჩატარდება

2017-09-08 02:43:40, 3533 ნახვა

კულტურა

ბრიტანელი ვარსკვლავი ელტონ ჯონი საქართველოს მომავალ წელს ეწვევა.

როგორც „ისთერნ ფრომოუშენის“ ხელმძღვანელმა გიორგი კერესელიძემ ჟურნალისტებს განუცხადა, კონცერტის ჩატარების თარიღთან დაკავშირებით მოლაპარაკებები უკვე დასრულებულია.

„შემოთავაზება იყო სხვადასხვა თარიღების. ჩვენ ძალიან გვინდოდა, რომ ახლო თარიღში 2- 3 კვირის ვადაში მომხდარიყო თარიღების შეცვლა, მაგრამ ეს ვერ მოხერხდა იმის გამო, რომ ძალიან გადატვირთული გრაფიკი იყო. სხვა თარიღები ჩავთვალეთ, რომ არ იქნებოდა კომფორტული მსმენელისთვის და საბოლოოდ შევთანხმდით ახალ თარიღებზე. ძალიან ვწუხვარ, რომ 16-17 სექტემბრის კონცერტი გადატანილია და ამ წელს ელტონის ჯონის ხილვა საქართველოში აღარ მოხერხდება“,-აღნიშნა კერესელიძემ.

მისივე ინფორმაციით, ელტონ ჯონის კონცერტის გადადების მიზეზი ჯგუფის უცვლელი წევრის, გიტარისტის დეივიდ ჯონსტოუნის ჯანმრთელობის მდგომარეობა გახდა.

ჯონსტოუნს ხელის აქვს დაზიანებული და სარეაბილიტაციო კურსს გადის.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები