კახეთში, სოფელ ართანასთან, კოხტას მთის ფერდობზე გაჩენილი ხანძრის ქრობის პროცესში ავიაციის ჩართვა ჯერჯერობით ვერ ხერხდება.

როგორც კახეთის გუბერნატორმა ირაკლი ქადაგიშვილმა აღნიშნა, მიზეზი დაკვამლიანება და ნისლია.

მისივე თქმით, ადგილზე ვითარება კონტროლს ექვემდებარება.

"ადგილზე ხანძრის 3-4 კერაა. ვერტმფრენი დღეს დილას ადრიანად უკვე იყო შესული დაზვერვაზე. ალბათ, დაკვამლიანებისა და ნისლის გამო, ცოტა ხანი ვერტმფრენებს მუშაობის საშუალება არ ექნებათ. ნისლი თავისთავად კარგია, რადგან ის ტენის შემცველობასაც ნიშნავს. ასე რომ, ართანის მიმართულებაზე სიტუაცია სტაბილურია და კონტროლს ექვემდებარება", - აღნიშნა ქადაგიშვილმა. 

ცნობისთვის, სოფელ ართანის ტყეში, კოხტას მთის ფერდობზე ხანძარი  2 სექტემბერს გაჩნდა. ამ დროისთვის უცნობია თუ რამდენი ჰექტარი მოიცვა ხანძარმა. ხანძრის ქრობის პროცესში ასობით მეხანძრე მაშველი, ასევე განსაკუთრებულ დავალებათა დეპარტამენტის თანამშრომლები მონაწილეობენ. მობილიზებულია შესაბამისი ტექნიკა და ვერტმფრენები.

ავტორი: ,

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა