ამერიკის შეერთებული შტატების პრეზიდენტმა დონალდ ტრამპმა ქვეყნის კონგრესს თხოვნით მიმართა, რომ ქარიშხალ "ჰარვის" შედეგად დაზარალებულთა დასახმარებლად ბიუჯეტიდან 7.8 მილიარდი დოლარი გამოყოს, - ამის შესახებ BBC იუწყება.

მედია საშუალების ინფორმაციით, აღნიშნული თანხა პირველად ზარალს შეესაბამება, თუმცა არ არის გამორიცხული, რომ სამომავლოდ ზარალის ოდენობა გაიზარდოს.

ადგილობრივი ხელისუფლების წარმომადგენლების თქმით, ზარალმა შესაძლოა 125 მილიარდი დოლარი შეადგინოს.

როგორც მედია წერს, დონალდ ტრამპი შტატ ტეხასში ჩასვლას დღესაც გეგმავს. მანამდე ის სტიქიის ზონაში მეუღლესთან ერთად იმყოფებოდა. რესპუბლიკელმა პრეზიდენტმა ასევე ვიდეომიმართვა გაავრცელა, სადაც აღნიშნა, რომ დაშავებულთა და გარდაცვლილთა სულებისთვის ლოცულობს.

"მინდა გაგამხნევოთ და თანადგომას დაგპირდეთ, მინდა იცოდეთ, რომ ჩვენ ხელახლა ავაშენებთ თქვენ სახლებს, თქვენ ქალაქებს. ჩვენ ერთად ვართ და ამ ტრაგედიას ერთად გავუძლებთ“, - დასძინა დონალდ ტრამპმა.

სტიქიით დაზარალებულ მოსახლეობას Hollywood-ის ვარსკვლავებიც ეხმარებიან. კერძოდ კი, ცნობილმა კომიკოსმა კევინ ჰარტმა, დაზარალებული ხალხის დასახმარებლად სოციალურ ქსელ „ინსტაგრამზე“ ვიდეო გაავრცელა, სადაც ცნობილ ადამიანებს მოუწოდა დაზარალებულებს ფინანსური დახმარება გაუწიონ. აღნიშნული "გამოწვევა" მსახიობებმა და მომღერლებმა უკვე უპასუხეს. მათი უმეტესობა „წითელი ჯვრის“ ანგარიშზე 25 000 დოლარს ან მეტ ფულად დახმარებას რიცხავს. გამოწვევაში უკვე ჩაერთვნენ მსახიობი დუეინ ჯონსონი, მომღერალი კრის ბრაუნი, რეპერი T.I., წამყვანი კიმ კარდაშიანი და სხვები. დაზარალებულების დასახმარებლად ოსკაროსანმა მსახიობმა ლეონარდო დი კაპრიომ 1 მილიონი დოლარი გამოყო. კომპანია DELL-ის დამფუძნებელმა დაზარალებულთა ანგარიშზე 37 მილიონი დოლარი გადარიცხა.

ცნობისთვის, ბოლო 12 წლის განმავლობაში ,,ჰარვი’’ ერთ-ერთი ყველაზე ძლიერი ქარიშხალია, რომელიც ამერიკას თავს დაატყდა.

შეგახსენებთ, რომ ტეხასის ქალაქ ჰიუსტონში სტიქიას 25 აგვისტოდან ებრძვიან.

ავტორი: ,

სოციალური ქსელები

ბათუმის სახელმწიფო უნივერსიტეტის პროფესორმა ახალგაზრდა გოგოებზე იძალადა

Axios: აშშ და ირანი 60-დღიან ცეცხლის შეწყვეტაზე შეთანხმდნენ

ევროკავშირმა სანქციები დააწესა ოთხი ორგანიზაციისა და სამი ისრაელელი „ექსტრემისტი მკვიდრის“ წინააღმდეგ

წულუკიანი გორზე: ამ საზარელმა კადრებმა დაგვიდასტურა, რომ მტერი მეტი გვყავს, ვიდრე გვეგონა