ბარსელონში მომხდარი ტერაქტი მსოფლიო ლიდერებმა დაგმეს. 

ევროკავშირის საბჭოს პრეზიდენტი დონალდ ტუსკი Twitterის საკუთარ გვერდზე წერს, რომ ევროპა ბარსელონის გვერდით დგას.

„ევროკავშირი მზად არის სრული მხარდაჭერა გაუწიოს ესპანეთს ტერორიზმთან ბრძოლაში. მთელი ევროპა ბარსელონასთან დგას", - წერს დონალდ ტუსკი. 

ამასთან, მომხდართან დაკავშირებით მწუხარება ევროპარლამენტის თავმჯდომარემ ანტონიო ტაიანიმ გამოთქვა. 

"გულწრფელ სოლიდარობას ვუცხადებ ყველას, ვისაც ეს თავდასხმა შეეხო. სრულ მხარდაჭერას ვუცხადებ ესპანეთის მთავრობას. ევროკავშირი ტერორიზმთან ბრძოლაში და მშვიდობის დაცვაში ერთიანია“, - განაცხადა ტაიანიმ. 

ბარსელონაში მომხდარ ტერაქტს აშშ-ის სახელმწიფო მდივანი რექს ტილრესონიც გამოეხმაურა. ტილერსონმა ტერორისტები გააფრთხილა, რომ ისინი სასამართლოს წინაშე აგებენ პასუხს. ამასთან, მან განაცხადა, რომ აშშ მზად არის, ესპანეთს ტერაქტის გამოძიებაში დაეხმაროს.

„ტერორისტებმა მთელ მსოფლიოში უნდა იცოდნენ - ამერიკის შეერთებულ შტატებსა და მათ მოკავშირეებს მტკიცედ აქვთ გადაწყვეტილი, გიპოვონ და სასამართლოს წინაშე გაგებინონ პასუხი“, - განაცხადა რექს ტილერსონმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირმა სანქციები დააწესა ოთხი ორგანიზაციისა და სამი ისრაელელი „ექსტრემისტი მკვიდრის“ წინააღმდეგ

წულუკიანი გორზე: ამ საზარელმა კადრებმა დაგვიდასტურა, რომ მტერი მეტი გვყავს, ვიდრე გვეგონა

გორში, პოლიციის განყოფილებასთან ხმაურია - ვიდეო

გიგა ავალიანის საქმეზე ბრალდება კიდევ ორ პირს წარედგინა, დაკავებულია ირაკლი სულაბერიძე და დემეტრე კასრაძე