ვლადიმერ პუტინი: სომეხ ხალხზე ძალადობის საერთაშორისო დონეზე დაგმობის აღიარებას, რუსულმა დიპლომატიამ მიაღწია

2015-04-24 18:04:46, 1211 ნახვა

მსოფლიო

"სომეხ ხალხზე ძალადობის საერთაშორისო დონეზე დაგმობის აღიარებას სწორედ, რუსულმა დიპლომატიამ მიაღწია",-ამის შესახებ რუსეთის პრეზიდეტნმა ვლადიმერ პუტინმა ერევანში განაცხადა, სადაც 100 წლის წინ ოსმალეთის იმპერიაში დაღუპულ სომხებს პატივი მიაგეს.
"ჩვენ გულწრფელად თანავუგრძნობთ სომეხ ხალხს, რომლებმაც კაცობრიობის ისტორიაში ერთ-ერთი უმძიმესი ტრაგედია განიცადეს. მილიონ ნახევარზე მეტი ადამიანი მოკლეს, დაასახიჩრეს. მილიონობით პირმა თავშესაფარი რუსეთში იპოვა და ასე გადარჩა. სწორედ, რუსულმა დიპლომატიამ მიაღწია სომეხ ხალხზე ძალადობის საერთაშორისო დონეზე დაგმობის აღიარებას.აღსანიშნავია, რომ მოძმე რუსი და სომეხი ხალხების ურთიერთობა ყოველთვის გამოირჩეოდა განსაკუთრებული სულიერი სიახლოვითა და თანადგომით",-განაცხადა ვლადიმერ პუტინმა.
ერევანში ღონისძიებას მემორიალთან სომხეთის, საფრანგეთის, რუსეთის, კვიპროსოსისა და სერბეთის პრეზიდენტები ესწრებოდნენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან