ქაშუეთში კოტე თოლორდავას სამოქალაქო პანაშვიდი მიმდინარეობს

2015-04-19 14:05:40, 426 ნახვა

საზოგადოება

ქაშუეთის ტაძარში გარდაცვლილი მსახიობის კოტე თოლორდავას სამოქალაქო პანაშვიდი მიმდინარეობს.

ტაძარში გარდაცვლილი მსახიობის მეგობრები და რიგითი მოქალაქეები იმყოფებიან.

კოტე თოლორდავას ცხედარს ქაშუეთის ტაძრიდან 15:00 საათზე გამოასვენებენ და საბურთალოს სასაფლაოზე დაკრძალავენ.

ცნობისთვის, მსახიობი კოტე თოლორდავა 11 აპრილს, მოსკოვის ერთ-ერთი სასტუმროს ნომერში გარდაცვლილი იპოვეს. თოლორდავა თბილისში "მოზარდ მაყურებელთა" თეატრის მსახიობი იყო. მას არაერთ ფილმში აქვს მონაწილეობა მიღებული. ფართო მასებისთვის თოლორდავა ცნობილი იყო სერიალ “ჩემი ცოლის დაქალებში" შესრულებული დიტოს როლით. ითამაშა ილია ჭავჭავაძის როლი დოკუმენტურ ფილმში. ბოლო პერიოდში მსახიობს მეუთლესთან, განო მელითაურთან ერთად "პალიტრა ტვ"-ს ეთერში გადაცემა "შუადღის ამბებით განო და კოტე“ მიჰყავდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან