ენერგეტიკის მინისტრი კახა კალაძე 2015 წლის 13 ივნისს მომხდარ სტიქიას ეხმაურება და საკუთარ Facebook-ზე განცხადებას ავრცელებს. 

„ორი წელი გავიდა იმ საშინელი ღამიდან. ყველას გვახსოვს თითოეული მსხვერპლის ისტორია. სტუდენტი გოგონები, დაკარგული ბიჭები, მამაკაცები და ქალბატონები, მოხუცები თუ ახალგაზრდები… ტრაგიკული ბედის მქონე ზოოპარკის თანამშრომელი ქალბატონი, მეორე დღეს ვეფხვის მსხვერპლი მამაკაცი… და გმირი მაშველი ზურაბ მურაზაშვილი!… 

გვახსოვს რა ხდებოდა ცხოველების თავშესაფარსა და ზოოპარკში, ეს ყველაფერი თითქოს ფილმში თუ კოშმარულ სიზმარში ნანახს ჰგავდა, იმდენად წარმოუდგენელი იყო, ასე პირისპირ დაჯახება სტიქიასთან რეალობაში. ტრაგედიითა და მსხვერპლით თავზარდაცემული თბილისი მზიურის მოხალისეებმა გამოიყვანეს შოკიდან. ეს იყო საოცარი ერთობის, სამოქალაქო შეგნების, ადამიანობის დემონსტრირება. 

ჩვენ, ვინც წლებია მრავალ უბედურებასთან ვიდექით პირისპირ, თითქმის ჩვევაში რომ გადაგვივიდა ეგოიზმი, გაუტანლობა ან ნიჰილიზმი საერთო საქმის მიმართ, უცებ აღმოვჩნდით ახალ რეალობაში.

დაკარგულს ვერაფერი აგვინაზღაურებს, სიცოცხლეს ვერავის დავუბრუნებთ, მაგრამ იმედი, რომ ჩვენს გვერდზე დიდი, თავდადებული ადამიანები არიან, გვიმსუბუქებს ტკივილს. ხსოვნა იყოს ყველა დაღუპულის. მადლიერება ყველას, ვინც სტიქიასა და მის შედეგებს შეებრძოლა“, - წერს კახა კალაძე. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე: ზვიად ხარაზიშვილს ეკუთვნოდა ღირსების ორდენი, დაგვიცვა გადატრიალების მცდელობისგან

კობახიძე: დახვეწილი ხელწერაა, როცა ხელისუფლებას აქვს ჯანსაღი რეაქცია სამართალდარღვევაზე

ევროკავშირი უკრაინას თითქმის 2.8 მილიარდ ევროს გამოუყოფს

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს