2017-06-12 14:31:25, 2151 ნახვა

---

პროკურორი: მიმდინარეობს იმ პოლიციელების დაკითხვა, რომლებიც Birja Mafia-ს წევრების დაკავებაში მონაწილეობდნენ

ჯგუფ Birja Mafia-ს საქმის პროკურორის დავით გუმბერიძის განცხადებით, ამ ეტაპზე იმ პოლიციელების დაკითხვა მიმდინარეობს, რომლებიც მუსიკოსების დაკავებაში მონაწილეობდნენ.

როგორც გუმბერიძემ აღნიშნა, გუშინ მთელი ღამის განმავლობაში მიმდინარეობდა საგამოძიებო მოქმედებები. 

"იმის გათვალისწინებით, რომ ისინი წარსულში არ იყვნენ ნასამართლები და ჩატარებული ექსპერტიზის შედეგად ნარკოტიკული საშუალების მოხმარება არ დაუდგინდათ, ამ ეტაპზე ბრალდების მხარეს მათი პატიმრობაში დატოვება მიზანშეწონილად არ მიაჩნია“,- განაცხადა პროკურორმა დავით გუმბერიძემ.

სააპელაცო სასამართლოში ჯგუფ Birja Mafia-ს წევრის, მიხეილ მგალობლიშვილის საქმეზე სასამართლო პროცესი მიმდინარეობს.

ამასთან, დღესვე გაიმართება ჯგუფის მეორე წევრის, გიორგი ქებურიას სასამართლო სხდომა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი