სამართალდამცველებმა ჩიტაძის ქუჩაზე  მომხდარ ინციდენტში მონაწილე სავარაუდოდ, მე-3 პირი დააკავეს. ამის შესახებ "ექსპრესნიუსის" ჟურნალისტი ადგილიდან იუწყება.

პოლიციელებმა პიროვნება 47-ე სკოლის მოპირდაპირე მხარეს მდებარე კორპუსის სადარბაზოდან გამოიყვანეს. სავარაუდოდ, ის მე-2 სართულზე საცხოვრებელ ბინაში იმყოფებოდა. არც დაკავებულს  და არც სამართალდამცველებს ჟურნალისტებთან კომენტარი არ გაუკეთებიათ.

47-ე სკოლის მოპირდაპირე მხარეს მდებარე  სადარბაზო  ყვითელი ლენტითაა შემოსაზღვრული.
ადგილზე ამ დრომდე რჩება პოლიცია.

ცნობისთვის, შინაგან საქმეთა სამინისტროში ჩიტაძის ქუჩაზე 1 პირის დაკავება  დაადასტურეს,   თუმცა ინციდენტში მონაწილე დანარჩენი 2 პირის დაკავების   შესახებ, რომელსაც მედიის წარმომადგენლები შეესწრნენ,  ოფიციალური განმარტება ამ დრომდე არ გაკეთებულა. სავარაუდოდ, უწყება დღის განმავლობაში განცხადებას გაავრცელებს.

შეგახსენებთ, საგარეო საქმეთა სამინისტროსა და 47–ე სკოლის მიმდებარე ტერიტორიაზე დილის საათებში ცეცხლსასროლი იარაღიდან გასროლა მოხდა. შემთხვევის ადგილზე სამართალდამცავებმა სამი მასრა ამოიღეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მსოფლიოში გადაადგილებისთვის საუკეთესო ქვეყნების რეიტინგი შედგა: ევროპა ლიდერობს

იზმირში ხალხს პოლიციამ ოპოზიციის ლიდერის მოსმენის უფლება არ მისცა და წყლის ჭავლით დაშალა

CENTCOM: აშშ-ის საზღვაო ძალებმა ბლოკადის დაწყებიდან, ირანთან დაკავშირებული 108 გემი ჩაკეტეს

გუტერეში: მსოფლიოში დაახლოებით 800 მილიონი ადამიანი კვლავ უკიდურეს სიღარიბეში ცხოვრობს